成報-中聯辦-min

成報 似乎指向事實:張曉明狂散播謠言

成報 漢江泄又發功,話張曉明瘋狂散播謠言,其實唔駛睇張曉明有無講過啲膠嘢,你見今日香港報紙膠到話,習近平主動搵曾俊華握手,只不過係叫梁振英留用曾俊華做財政司司長,你就知 成報 漢江泄所言不虛,依家張曉明全面失控嘅散播謠言,去到一個黐線程度。

成報 講都係應該有嘅常識

今日 成報 漢江泄無講到習握手嘅傳言,只不過,好明顯中聯辦控制到嘅報章,近排向content farm轉型緊嘅《香港經濟日報》吹埋啲咁嘅風,咁真係無理由唔攞嚟印證 成報 嘅講法。

喺契丹共產黨嚟講,最高領導人嘅手唔係亂握,如果喺文革年代,毛澤東握過你隻手,你真係手都唔洗得,而且你好快會升上一個高位。由於中共一直以嚟,都怕有人暗算,而且握手係一種身體接觸嘅舉動,所以如果最高領導人握你隻手,仲要公開場合,即係你係絕對得到最高層信任,呢種傳遞訊號方式,由江澤民(1996年1月搵董建華握手),胡錦濤(2005年搵曾蔭權爵士握手)都無變,而梁振英根本係中聯辦政變搞出嚟,所以佢反而無事前被最高領導人握過手,以我對中共運作同黨史嘅認知,我睇唔知有乜理由,習近平會改變握手所傳達嘅訊息。如果握手傳達嘅訊息係會有唔同,當時一早會透過佢信得過嘅媒體將訊息傳出去,搵曾俊華握手果陣無成報,但係習系都有自己嘅傳媒地盤,自然會補充訊息。

所以今日《香港經濟日報》講嘅京官傳聞,我真係覺得,你作嘢都唔該有番少少黨史常識。點解我近年會少睇報攤果啲契丹政治八卦新聞雜誌,因為呢啲雜誌,唔少擺明被中共個別派系收買咗,呢個唔駛講(兩派都有收買,你睇封面啲標題其實係多少判斷到),但更大問題係,好多裡面啲料偏離黨史常識,你真係信佢一成都死,你依家《香港經濟日報》嘅講法,同果啲政治八卦新聞雜誌有乜分別,咁我買果啲雜誌算喇,仲睇你?反而某程度上,《大紀元時報》、《爭鳴》係好奇怪咁,啲料準繩度頗高,基本上唔係全中(亦唔可能全中),但有七成左右都係事實。

所以張曉明咪當啲人係傻,但我都係果句,習近平唔該快啲雙規張曉明,大家已經對呢條仆街感到十分之唔耐煩,搵個正常少少嘅人去做中聯辦主任。

發表迴響

你的電子郵件位址並不會被公開。 必要欄位標記為 *