何君堯

律政司唔檢控 何君堯 咁市民自己去檢控佢好

何君堯 條友涉嫌喺2016年4月違反《簡易程序治罪條例》第7條,唔可以喺法院裡面自拍嘅條文, 何君堯 將自拍相upload上facebook,司法機構報警,警方調查後,話諮詢過法律意見,唔駛檢控。

律政司明目張膽包庇 何君堯

《簡易程序治罪條例》第7條,其實係好簡單嘅條文,一如行乞案咁簡單,

(a) 任何人有以下行為,可處罰款$250─ (i)在法庭內拍攝或企圖拍攝任何照片,或為供發表之用而在法庭內繪畫或企圖繪畫該法庭的法官,或在該法庭所進行的民事或刑事法律程序中的陪審員、證人或任何一方的肖像或素描;或 (由1979年第7號法律公告修訂) (ii)發表在違反本條上述條文的情況下所拍攝的任何照片、所繪畫的任何肖像或素描,或其任何複印品。
(b)就本條而言─ (i)“法庭”(court) 一詞指任何法庭,包括裁判官進行研訊的任何地方; (ii) “法官”(judge) 一詞包括司法常務官及裁判官; (由1997年第47號第10條修訂;由2000年第28號第47條修訂) (iii) 任何照片、肖像或素描,如果是在法庭或舉行聆訊的建築物或其範圍內拍攝或繪畫的,或是拍攝或繪畫某人並且是在該人進入或離開該法庭或上述建築物或其範圍時拍攝或繪畫的,則該照片、肖像或素描,須當作是在法庭內拍攝或繪畫。

條文十分之清晰,就係 何君堯 係可以被檢控,律政司因乜理由唔檢控,呢件事好似律政司無一個合理交代,咁簡單直接嘅案都可以唔檢控,咁你叫香港市民點信你律政司,律政司唔單只係特首專政工具,仲要係包庇 何君堯 一類梁粉嘅工具,非常之得人驚。

好彩,《簡易程序治罪條例》係任何人都可以入稟法院告發,只要有人記低當年 何君堯 嘅link,同埋screen capture,跟住最好搵一位律師,走去入稟告發 何君堯 ,用私人刑事傳票去告 何君堯 ,我想知道 律政司 搞到咁膠嘅時候,會唔會自己收番個case嚟告,而 何君堯 又肯唔肯為佢嘅不知所謂行為進貢庫房兩舊半水,以 何君堯 嘅收人嚟講,呢筆錢認真濕濕碎,如果有市民告發佢,佢肯認罪交罰款,我相信可以慳大家時間。

呢個律政司,真係不知所謂之極。

發表迴響

你的電子郵件位址並不會被公開。 必要欄位標記為 *