Travel ban-min

特朗普新 travel ban :合理好多

Trump 簽咗新版 travel ban ,將伊拉克移出 travel ban ,同埋持有有效簽證、綠卡、獲美國駐外使館安排嚟正式申請嘅難民等等全部獲批去美國,只係未有簽證未來九十日唔准申請簽證。

呢個新 travel ban 合理好多,我個人認為, Trump 係知道應該點利用啲官僚幫佢推行政策。

新 travel ban 嘅戰略考量

首先,將 travel ban 移出伊拉克係正確決定,伊拉克係美國打DAESH嘅盟友,軍人係美國訓練,加上伊拉克政府肯加強同美國合作,提供更多國民資料以利簽證審批,將伊拉克移出 travel ban ,有助鼓勵其他喺 travel ban 嘅國家,加強同美國嘅合作,共同打擊伊斯蘭國。

依家留喺 travel ban 果啲國家,其實有佢合理性,除咗伊朗,其餘五個國家都係亂過亂世佳人,根本無法治理,我相信利比亞都有可能依伊拉克模式,移出 travel ban 之外,但敘利亞、也門、索馬里、蘇丹呢四國,根本係膠到極點,你俾我都唔想俾呢班友入境。至於伊朗被ban,無錯伊朗某程度上係打擊伊斯蘭國嘅盟友嚟,因為DAESH同伊朗班什葉派係唔妥,只不過,伊朗對以色列極其敵視嘅態度唔改,以現時特朗普極親以色列嘅政策,乘機將伊朗ban埋係意料中事,除非伊朗政府肯對以色列友善一啲,只不過,依家內塔尼亞胡唔肯俾巴勒斯坦建立以耶路撤冷為首都嘅國家,而伊朗政府又受制於果班食古不化,其實同DAESH都差唔多咁死板嘅回教教士,伊朗要有突破都有啲難度。

但特朗普有個戰略,由解決難民問題上係正確嘅,就係必須儘早打柒DAESH,美國並持續喺中東派駐足夠軍力,俾難民一個平安嘅環境,就地解決問題,好過將啲難民搬嚟搬去,搞出一大堆問題。而特朗普打算請工黨(無錯,工黨)前首相貝理雅做中東事務顧問,更加睇到特朗普有樣嘢,會比其他人厲害,就係美國唔熟嘅地方,搵嚟自盟友嘅專家搞掂佢,唔好自己亂嚟。講熟中東,由T.E.Lawrence煽動搞散鄂圖曼帝國嘅阿拉伯起義至今,得英國有完整人類學、神學同歷史學研究,去解決中東一大堆膠問題。我相信喺香港同台灣問題,特朗普會搵真正嘅專家去出手,呢種典型商業機構任用人才嘅視野,將會彌補咗未來美國外交政策好多因唔了解當地而膠咗嘅問題。所以 Trump 係喪唔晒。

發表迴響

你的電子郵件位址並不會被公開。 必要欄位標記為 *