敬言仁基金

敬言仁基金 膠爆收場嘅啟示

成班友為咗撐果七賊,搞咗個 敬言仁基金 ,本來個名都唔老黎,將警字拆仁敬言,大有惟民所止嘅味道,真係成何體統。但更膠嘅事係,有大批黑幫密切關連人士捐俾 敬言仁基金 後,受到公眾,甚至可以警隊內部猛烈抨擊,依家至急急搵所謂消息人士放風,話唔係乜人捐款都收,呢個亦意味住, 敬言仁基金 嘅錢,好多最終可能唔會俾接受,因為太膠。

英國人就一早預到類似 敬言仁基金 會派膠收場

《警察通例》係講明,未經警務處長批准嘅捐款係唔收得,呢堆規矩同限奶令一樣,都係英國人定立,唔係乜嘢火星送嚟嘅發明。點解英國唔會准警察隨便參與公眾集會、政治活動,唔會准警察隨便收捐款,就係怕會膠。撐警公開活動,出現一堆黑幫相關人物,其實已經足以打擊反黑組或O記士氣,只不過,未踩到頭上,但係 敬言仁基金 包含黑幫相關人士捐款,呢啲係撐警,定係辱警?呢啲公開辱警行為,衰過示威者或市民當面鬧你兩句。呢啲嘢,有常識都知唔做得,但偏偏近廿年香港政界,就係成日發生呢啲唔合邏輯嘅事。

其實 敬言仁基金 呢次膠爆,係反映中聯辦呢班土豪,一如契丹共產黨啲官員,就係唔明現代政治同公共行政係點嘅一回事,英國人發明好多以規章制度形式嘅工具,擺喺政府度,好似限奶令(《進出口條例》、《儲備商品條例》)係一樣,而《警隊條例》成立警察福利基金,並且納入係警務處處長成立嘅法團,其實都係呢類工具。呢個工具,當初係防範共產黨透過成立警察工會,去削弱英國人嘅管治力量,因為喺《警察通例》列明嘅福利事項中,警務處處長及其團隊要孭好多工會嘅工作,呢樣嘢,真係得警隊至咁樣管法,而背景就係防止滲透。而今日警察福利基金仲有一個角色係防止以慈善以名嘅行賄,甚至打擊警隊威信嘅行為,而呢次 敬言仁基金 事件就係例子。《警察通例》有機制將啲錢彈出去,如果警務處長係醒嘅,就避免咗一次重大危機。

張曉明呢啲仆街,除咗自己濫用權力,就乜叉都唔識,如果佢繼續做香港太上皇,而北京唔阻止統監府繼續干政嘅話,香港人見管治得越嚟越柒,遲早人人變獨派,班友自己諗清楚好。

發表迴響

你的電子郵件位址並不會被公開。 必要欄位標記為 *