程式教育

應該點看待中小學 程式教育

程式教育 係近年一個好熱門嘅課題,但係點樣去搞呢樣嘢,香港人係無概念。香港人梗係無概念,香港啲成年人,自己搞公司嘅IT設計都成舊屎咁,仲講細路仔嘅 程式教育 。

程式教育 唔係logo,亦唔係叫細路一開始學Javascript

首先,大家唔好將Programming呢樣嘢,停留喺Java、C、PHP果啲嘢度,亦唔好講old-school到爆嘅logo。其實Programming歸根究底,就係解決問題嘅方法學,基本功,要學一個程式語言嘅syntax(語法),因為大部分程式語言,其實語法都係有好多相似之處,所以你識得一種語言,往往唔難掌握或睇得明其他嘅語言。 程式教育 更著重,其實係思考方法,呢個係好多IT人或教育家,睇得太多垃圾coding有關。

好似我果代人,好少好似我呢啲細個砌機,或打DOS當砌模型嘅人咁,好細個已經有一定電腦解決問題學習經驗,好多人係大學讀computer science或computer engineering至第一次接觸程式設計,但好多人當程式設計,或解決一個系統問題,純粹係考試計數式咁做,結果梗係出完事又出事。更大鑊係,日日都有新科技,但一大堆人無辦法靠自學,靠自己睇document去追上個時代,咁係唔得,所以英、美、台等地,至紛紛提出中小學就將正確 程式教育 觀念灌輸,就大學果陣,無論係讀social science、純科學、商科定工程科目,都可以自己透過程式解決問題,或者面對IT系統唔會寫埋啲炒粉嘢。

我一條友可以靠將唔同Wordpress元件左砌右砌,砌完blog又砌shop,將裡面apache、ssl等一個個攻落嚟,見到乜嘢API、IAM唔會驚,其實就係我童年砌機同對住DOS(係,仆街到無朋友嘅DOS,我仲要成日去crack咗KOEI啲乞人憎keydisk)嘅功力造就。所以,你們子女大個咗未必係programmer,但一定至少要識好似砌積木咁砌個工具俾自己,一如以往我們要學木工一樣。

我個人十分建議,由scratch開始,因為scratch將object oriented programming教得有趣而淺白,而且好玩,與其打機,不如自己砌隻game出嚟,同埋大人自己都可以學,無錯,例如砌LEGO果陣,會好玩好多。

我相信一樣嘢,一個 程式教育 普及嘅社會,會少好多膠人,呢科同通識科,加上語文同數學,可以話係未來教育基礎嚟。

發表迴響

你的電子郵件位址並不會被公開。 必要欄位標記為 *