周庭-林鄭月娥

林鄭月娥 屈周庭偏激:林鄭月娥作風一貫都係咁

明顯係幫 林鄭月娥 幫到出晒面嘅民主思路,搞咗個選舉論壇,得胡國興肯嚟,曾俊華唔肯。但都有一堆泛民嘅人去示威,包括咗香港眾志,周庭當面問 林鄭月娥 會唔會再搞DQ官司, 林鄭月娥 就老屈 周庭 偏激。以下係香港眾志提供嘅官方片段。

林鄭月娥 一貫如此, 周庭唔駛意外

其實 林鄭月娥 作風不嬲都係咁,拗唔過人,就只係識出兩招,一招,就係咁挑你啲方案嘅問題,例如我話用紐約《地標保護法》去解決保育問題,佢就話《地標保護法》都好多問題,完全無誠意同你傾。另一招,就老屈你 偏激 ,我想問,係梁振英亂咁JR人,意圖用法院DQ議員嘅無賴行為偏激啲,定周庭當眾問你呢種行為偏激啲。

偏激,根本係華人社會常見,唔願意去深究或討論任何問題嘅技倆,主要係想果啲,深受儒家果啲虛偽「周禮」文化影響,見到啲人對當權者稍為問得深入啲,就已經主動幫當權者護航果啲喪屍,就會自動撲出嚟咬人,簡單嚟講,呢啲係華人社會嘅一種咒語,主要係用嚟召喚呢啲睇人態度,唔睇人講啲嘢實質內容果啲人嚟好似喪屍咁攻擊你。而林鄭月娥用呢啲咒語,係頗為得心應手,因為有中聯辦,以及有一批上咗年紀嘅人附和。

只不過, 林鄭月娥 真係離地太耐喇,依家係一個全球化年代,周庭呢啲表現,喺歐洲標準係過份溫和。如果喺法國,喺烏克蘭,真係「偏激」果啲,仲同你傾落去,喺烏克蘭係將你 林鄭月娥 成個人掟入個大垃圾桶度,喺法國,一旦窩打老道門口已經有人放火燒車,係連警車都燒埋,喺英美,比較斯文,但最低消費都少不免幾隻臭雞蛋, 林鄭月娥 呢啲係身在福中不知福,香港眾志呢班友溫和成咁,你仲鬧佢偏激,呢啲人真係不知人間何世。

喺台灣,國民黨果班自以為有兩個臭錢留美鍍金就好醒嘅天龍人,態度同 林鄭月娥 一樣,結果係太陽花學運一到,成棚人不堪一擊,之後民進黨急速上台執政,依家基本上係民進黨同時代力量兩個黨綠對綠,類似愛爾蘭 Fianna Fáil (共和黨) 對 Fine Gael 果種局面,國民黨已經玩X完。一旦中共倒台,我都幾肯定,依家檯面果班政棍,好大機會不堪一擊。

發表迴響

你的電子郵件位址並不會被公開。 必要欄位標記為 *