我的推薦名單:港島

由於名單多到令人頭痛,所以我先講果啲,膠到無朋友,投都唔駛投嘅先。

基於反對膠五類原則,有脫逃紀錄的何秀蘭、搞《基本法》廿三條搞到一煲粥的葉劉,同埋土共名單,即係曾鈺成、蔡素玉名單,全部唔駛考慮。

如果你已經決定了投陳淑莊、余若薇名單,或者甘乃威名單,請你不要參與策略性配票行動,否則只會越玩越膠,你想投乜就投乜。

如果你係決定咗投何秀蘭名單,我作為觀龍之戰時何秀蘭軍師身份,再促請你考慮多一次,如果你認同何秀蘭搞文化的,請將票轉給陳淑莊、余若薇名單,陳淑莊係正式文化人,佢大聲過何小姐好多。如果你唔認同公民黨理念,請你將票交俾曾健成,話捍衛言論自由,阿牛係全港島眾候選人中最搏老命。

如果你依家未決定投乜嘅,依家策略上有兩個人可以考慮,阿牛曾健成,同勞永樂。勞永樂醫生我係唔相信佢嘅,但如果曾健成非常努力,仍然無辦法阻止史泰祖或蔡素玉是但一條茂利取得港島最後一席,咁忍痛投俾勞永樂係無辦法中的辦法。因為論無恥,史泰祖係棄明投暗,但勞永樂係棄暗投明,後者比前者好一些。

如果你係保皇派,唔係計幫泛民分票嘅問題,我想你們鼓勵一下自由黨林翠蓮,佢係保皇黨中唯一一個政綱似人樣,同埋無葉劉、曾鈺成、史泰祖、蔡素玉呢棚友咁奸。

6 thoughts on “我的推薦名單:港島

  1. 其實投票呢…我真係覺得有一點心淡.(我是新界西的)…十四張名單爭一張票…(或者我要決定這一張票分比十四張名單其中之一)我既選票有幾大的代表性呢?彈丸之地卻搞得這麼膠…但我敬告各位, 幾膠都好都要出黎投票…

    我的個人投票意向 : 我會投公民黨的1張超雄…(只不過係我會重視”全香港”的利益, 我個人唔會理甚麼地區政職,因為唔係區議會)加上香港真係好多弱勢社群, 而佢又真係脫離功能黎選…而佢又真係幾勢危(因為冇咩地區政職)..

    個人的新界西分析:
    5,6,8,11 基本上連名都懶得寫, 你投佢地票只會益左保皇黨… 知名度唔夠根本好難爭議席.. 投佢地等於投白票.
    3, 9, 記住佢地係譚X宗, 王X興, 民賤聯, 工淫會又唔駛投. 12 周梁, 大家記得旅發局大花筒, 你會考慮嗎?

    如果你關注多一些地區事務, 請根據你所屬的地區去投為為你地服務的泛民議員:例如4號何俊仁, 7號陳偉業屬屯門區, 10 號張賢登屬元朗天水圍, 14號李永達屬荃灣離島.(民主黨咁分法自然最理想化去分票源)

    只剩2同13. (李卓人同埋梁耀忠)真係有爭票的情況.如果你們關注勞工法, 大家就要比較一下佢地邊個落力D為工人階級爭福利(不過唔知李卓人會唔會被劉千石拖累?…)

    新界西8席, 當然有D”福佳”會漁人得利….會有一至兩席…就算左度右度, 泛民始終有人犠牲. 但係衷心講一句….支持泛民既唔好因為咁既投票制度而唔投票….最緊要一樣野, 唔好比D”福佳”咁易拿到第二席.

  2. I’m in HK Island. Still haven’t completely decided.

    5 DAB and 9 reginababy- Can ignore.

    6 – Wasting everybody’s time

    1 Lib Party – 林翠蓮talks sense, but she has no chance

    4 and 10 – 阿牛and Joseph Lai are good people, but the system is against them

    7 – I still don’t trust Dr Lo, sorry Martin.

    This leaves me with 2, 3 and 8.

    8 – I still don’t know what they stand for, but I don’t dislike Audrey.

    2 and 3 – I know and understand both Martin and Lam Kay have very good points on why Cyd Ho does not deserve a seat. But watching how she managed to get Tsang Yok-shing to shut up, she might have a better chance than Yeung Sum. Though doesn’t mean I trust her any more than Dr Lo.

    Who knows? I may have to flip a coin between 2,3 and 8.

  3. To echykr:

    何秀蘭敗走觀龍,令葉國謙能夠重返議會,這是一條比勞永樂更不可饒恕的死罪,他如何拗贏曾鈺成都無用。

    這些人,一定要由民主派自行清理門戶,不能假手於保皇黨。

    你把票投給8好了,或投俾甘乃威,都不要何秀蘭。

  4. 今晨收到屎醫生告急SPAM,全部亂碼,原來係GB Code,真係膠到冇朋友,做咗張Screen Cap,可惜這裡不能 Post 相片

發表迴響

你的電子郵件位址並不會被公開。 必要欄位標記為 *