港獨-出路

港獨 沒有出路?倒轉嚟讀就差唔多

契丹總理李克強,喺政府工作報告裡面第一次提到 港獨 ,而佢特別提到 港獨 沒有出路。我睇完,笑咗。識共產黨嘅就知,當共產黨當 港獨 係對手果陣,如果係用台灣問題嘅做法,共產黨係侷住對香港軟硬兼施。

港獨 陰影下被迫懷柔泛民

雖然中共有成幾千枝導彈指住台灣,又大量收買國民黨同幫會內部啲台奸,但契丹政府好多政策上,其實又唔敢真係同民進黨硬碰,蔡英文上台咁耐,你話有幾多對台經濟優惠取消咗?你話少咗旅客嚟台灣,結果台灣收多咗其他國家旅客,旅遊收入反而好咗,一如香港,近排多咗好多南韓遊客,少咗契丹遊客,呢個係唔係好事?

依家契丹係咁要對國民黨好,因為國民黨係台灣島上佢地唯一代言人,香港嘅情況係,以香港大量外籍人士計,如果學西藏、新疆玩關門打仔,我可以講,結果十分之嚴重,隨時係同對台宣戰同一級數,以欺善怕惡嘅契丹人本性,佢地係唔敢嘅。所以大家可以預期,周融呢啲冚家富貴會收錢搞小動作(我勸周生好向home office遞表放棄英籍,再玩膠我就會將周生資料交俾歐盟國家政府),一如台灣主動都係愛國同心會,同埋白狼張安樂呢啲黑幫流氓。

而泛民,只要贊成大中華民族主義,其實好大機會北京都要同佢地嘗試合作,就算喺北京大屠殺立場問題未有共識都好,理由好簡單,民建聯個朵臭晒,經民聯都一樣,至於新民黨同自由黨,其實呢兩檔嘢都係問中共攞著數,但攞咗著數做唔做嘢,隨時未必有泛民咁交足貨。只不過,過往中聯辦去得太盡,日後點修補關係真係難講,唔同國民黨,國民黨無咗理想,啲友仔係唔怕核突,而依家香港泛民新生代,個個都係有少少綠底,唔係百分百民族主義分子嚟,你太唔俾面根本搞唔掂。

反而,大家要睇實普教中呢啲核突嘢,呢個絕對係殖民政策嚟,一定要抵制,中共係洗腦由三歲開始。我雖然識華語(識我就知,我華語識講無礙,我可以唔駛譯番做香港語文去處理華語),但我係主動唔講華語,同只喺報章寫華語,呢度係故意寫香港語文,呢種文化抵抗好重要。

最後其實我都係果句,中、港、台分家,大家可以做好兄弟,一如英、愛關係咁,相反,勉強一齊無幸福,習近平你自己參透吓。

發表迴響

你的電子郵件位址並不會被公開。 必要欄位標記為 *