Celebrity Apprentice

Celebrity Apprentice 嘅問題:Format已經過咗氣

阿諾舒華辛力加宣布,他唔會再做 Celebrity Apprentice 嘅主持。當然,特朗普搞到咁多電視觀眾憎佢, Celebrity Apprentice 都應該抖一抖避風頭,或者等特朗普唔再做總統後,搞個 President Apprentice ,可能更有睇頭,如果屆時佢仲有體力嘅話,大家諗吓一個前總統,好霸氣同你講, You’re fired,呢種霸氣真係前無古人,後無來者。

只不過,就算無特朗普因為, Celebrity Apprentice 都應該係時候暫時退落來,因為 format 過咗氣

Celebrity Apprentice 依家變得好無新意

通常,擁有最長生命周期嘅電視節目類型,一係英國式處境劇,例如 Corrie ( Coronation Street,套劇由1960年播到依家都未斷氣,合計9116集,我估播到10000集佢都仲健在),一係美國式單元劇,好似 Law & Order 系列,但劇集可以長期維持,因為劇集可以場地不變,場景不變,但透過演員嘅生死病死去做到脫皮嘅作用,但真人騷唔係劇集,一個 format 玩到幾年已經唔錯, Celebrity Apprentice 可以玩到今時今日,其實某程度上係一個奇跡嚟。

而依家電視節目面對更大挑戰係,你話真人騷,依家facebook日日玩live仲真人騷,簡直沒有最黐線,只有更黐線嘅情節。你話電視劇,一係極 local ,好似 Corrie咁,針對最英國中層至基層觀眾,一係極國際化,好似 law & order 系列,幾乎係全球都有佢嘅分支,俄國、法國、英國都有,甚至玩到美國本土版本都成十幾個唔同衍生產品,否則喺全世界電視劇競爭下,你好多時維持到幾季已經好唔錯,唔好話十幾季,甚至廿年以上。所以 Celebrity Apprentice 除非特朗普可以放手俾年青人玩,用番年青人元素,否則美國成堆真人騷嘅情況下,其實都係時候抖一抖, Celebrity Apprentice 搞到依家咁,其實都睇到特朗普做生意唔識收手嘅死症。

發表迴響

你的電子郵件位址並不會被公開。 必要欄位標記為 *