北愛大選

北愛大選 : 脫歐造就新芬黨崛起

北愛大選 終於有結果,雖然北愛同南部愛爾蘭共和國一部,都係用理論上點到佛誕都未點完嘅單一可轉移票制(我認為最能杜絕掌心雷制度,保證老人投票率大跌),但英國人比愛爾蘭人有效率,所以 北愛大選 已經點完票,雖然親英第一大黨DUP(Democrat Unionist Party)仍然係最大黨,但只係同新芬黨爭一席,仲要第一次,親英派政黨議席數目,少過親愛派。

北愛大選 反映BREXIT喺北愛出咗事

本來照北愛選民主要睇宗教信仰同國家認同嚟投票嘅底盤,基本上DUP同Sinn Fein 分享權力,但親英派因為稍佔上風而得以保持北愛原狀嘅情況,可以長期維持,畢竟多年恩怨。但依家出咗事嘅位,在於依家嘅Good Friday Agreement其實係建基於英愛共為歐盟成員,邊境不用存在嘅基本假設而存在,所以Sinn Fein認為愛爾蘭全島統唔統一都唔係問題,反正歐盟大過英國。

但依家係,英國即將離開歐盟,咁北愛選民,有為利又好,有為認同都好,啲飛去番兩個共和派政黨(即係新芬黨同相對溫和嘅SDLP,社會民主工黨),而更大鑊係,好多飛其實去咗中間派政黨Alliance Party,亦即係曾經派香港華裔英國人出戰北愛議員,令香港華裔首次喺英國議會有議席果個政黨。呢個黨係親歐嘅,將UDP啲票吸走。UDP/DUP有唔少人,其實係Scottish底,Scottish都親歐,你覺得呢班Unionist唔會轉立場?

所以表面上無風無浪,但事實係,DUP+UDP無咗Majority,咁首席大臣仲係DUP坐啱唔啱數,Sinn Fein會唔會爭首席大臣位呢(雖然表面上兩者權力一樣,只係個名嘅問題啫),同埋如果北愛持續係向親歐走,甚至唔少英國人自己為保留歐洲公民身份,走去歸化成為愛爾蘭公民嘅話,其實最終北愛留唔留得住係問題,而北愛如果離開聯合王國,果班堅持BREXIT嘅新教徒,又唔會唔會玩嘢,呢啲問題全部都係炸彈嚟,但我依家睇係,呢個炸彈遲早爆,除非英國唔BREXIT。

4 thoughts on “北愛大選 : 脫歐造就新芬黨崛起

  1. 我認為呢, 英國唔BREXIT, 唔此爆炸彈, 根本直頭死得…..
    1. 無限收難民, 包括數量不明之流氓
    2. 無歐盟之外嘅貿易自主權
    唔此呢兩樣架, 重有好多, 只係呢兩樣重要, 衰其中一樣英國就已經死得

  2. 呢D係好事,愈多地區作反,倫敦終有一日會知道BNO人(繼續續BNO既十幾萬人,吾系300幾萬吾續既特衰人)既忠誠同鬥志。

發表迴響

你的電子郵件位址並不會被公開。 必要欄位標記為 *