林鄭月娥-庫斯克

林鄭月娥 辦公室回應庫斯克事件hea到一個點

話說前幾日,我就庫斯克被五毛文革式狙擊事件,要求 林鄭月娥 就事件作出回應,因為情況真係離譜到一個點。我將信件傳抄到胡國興同曾俊華辦公室,兩個辦公室都好快回覆收到,並話會留意事件。但 林鄭月娥 辦公室一直未有回應,直至喺星期六下午,我收到戴健文嘅回覆。

林鄭月娥 覆得極之 hea

林鄭月娥-庫斯克
林鄭月娥-庫斯克

我認識嘅戴健文,至少喺香港電台果陣,佢唔係一個 hea 人,所以我相信,唔係佢老人家想咁答我,而係林鄭月娥決定咁答,好喇,知悉你的意見,咁點呀,繼續縱容周融呢啲友仔,喺庫斯克間學校門口搞騷擾,用幫港出聲嚟搞誹謗?呢件事可以睇到,喺香港言論自由等大是大非問題上, 林鄭月娥 未來嘅態度就好清楚,就係唔理,只係講我知道嘞,然後繼續縱容班流氓作惡。呢封信回覆之 hea ,係完全令人不寒而慄,呢個反映出,有啲人只係走西環路線,只要張曉明支持乜都得,香港過往嘅核心價值,完全唔會理,而我呢啲唔係選委嘅small potato,仲要係親泛民嘅,無所謂喇,我諗如果唔係我同佢地啲人叫做見過吓面,隨時係一隻字都無覆過,封信係唔係沉咗落太平洋,等幾百年後考古學家打撈都無人知。

呢個亦係點解,好多重視香港核心價值嘅人,根本唔可能支持 林鄭月娥 (唔計明反暗撐果啲左膠),因為 林鄭月娥 果種官到無求膽自大嘅狂妄囂張態度,呢個唔係我們第一日見識,喺天星皇后之役,我見識過一次,喺有次有人安排去政務司司長官邸晚宴上,我大力推銷紐約《地標保護法》,我又見識一次,呢次係第三次。其實我都估到有可能咁覆法,只不過無諗過精簡成咁,但亦由於呢次係選舉期間,呢啲囂張表現,至會有白紙黑字嘅紀錄。呢個人就係只要西環湊夠票俾佢,香港人你死你事,唔關我事,呢個 林鄭月娥 仲黑暗過梁振英,梁振英,我都係果句,作為一個高級擦鞋仔,佢喺選舉場合,仲會扮到好義正詞嚴要維護香港核心價值,但轉頭又繼續叫周融呢啲仆街搞事之嘛。

香港依家命運,竟然要決定喺千幾名選委到,仲有有一堆只要有權,全無擔當,真係令人非常擔心。

One thought on “林鄭月娥 辦公室回應庫斯克事件hea到一個點

  1. This is a typical government “in-house” reply.

    “Your comment is noted.” In other words, they do not care, or in the more extreme situation, they totally disagree with you but only respect your “freedom of speech”.

發表迴響

你的電子郵件位址並不會被公開。 必要欄位標記為 *