AWS

AWS 都會人為出錯:雲端嘅風險

AWS 相信世上其中一個,最受信賴嘅雲端系統,雖然好多玩法,如果唔慣佢果套,你會想詛咒佢,但佢嘅可靠度,同埋效能,都係業界翹楚,作為 AWS 用家,我自己都知。但 AWS 幾日前,北美東岸 S3 服務因為有人除錯果陣刪多咗嘢,搞到一堆人嘅 AWS 服務炒粉。

其實呢件事,都某程度話俾大家聽,使用雲端,係要衡量風險。

AWS 幾可靠都好,唔好將所有雞蛋擺入同一個籃

雖然依家好多 Cloud Services backend 部分,已經係自動化,但有啲用得耐而出錯嘅位置,始終要由工程師去睇,只要有人介入嘅因素,就會炒粉。更何況,雲端某程度上係違反互聯網原本技術理念,互聯網係靠高度分散,嚟維持核戰後正常運作。但雲端因為要規模經濟效益,事實上將好多server集中喺一點,一旦有乜故障,無論google、cloudflare、AWS等,都會牽連甚廣。特別好多大企業,都係用雲端服務,呢樣更明顯不過。

所以用雲端服務果陣,分散投資係重要,好似搞wordpress咁,如果你本身用Linode,咁你個CDN唔該咪自己喺Linode起咁膠,而係用 AWS ,或Stackpath嘅服務。如果你用 AWS EC2做wordpress,咁唔好用 AWS Cloudfront 或 S3 做CDN。可能管幾個管理方式唔同嘅雲端服務會煩咗少少,但總好過有乜意外故障嚟招一鑊炒粉。好似呢度,如果 AWS 不幸喺CDN部分出事,最多咪熄咗果個Module,行慢少少囉。

當然,喺屋企留番一部Server好唔好,如果唔係作重要用途,喺太平盛世嘅英美等地,仲可以考慮吓,但如果喺香港,如果你搞政治有關嘅嘢,我勸你都係唔好喺屋企搞Server,土共搞到你好麻煩嘅方法五花八門,甚至唔駛DDoS你,只要搵啲流氓喺你屋企附近干擾你嘅通訊線路,你已經夠麻煩,而唔需要涉及任何高科技黑客攻擊,畢竟契丹都係一個原始國家,你睇五毛玩嚟玩去都係人海戰術,你就明,你必須用科技去KO呢啲同喪屍無分別嘅襲擊。

發表迴響

你的電子郵件位址並不會被公開。 必要欄位標記為 *