葉劉淑儀-無差別攻擊

葉劉淑儀 嘅無差別攻擊

因攞唔夠提名飛,做唔到特首候選人,而變咗憤怒嘅葡萄嘅 葉劉淑儀 (簡稱因儀),喺無得入閘之力,運用佢憤怒嘅葡萄力量,喺度喪X各大特首候選人,簡單嚟講,主旨都係全世界得佢最掂,香港無 葉劉淑儀 領導,係香港同契丹嘅損失嚟。

葉劉淑儀 無差別攻擊最影響林鄭月娥

由於希師奶係基於佢果種異常強大嘅葡萄力量去驅動佢呢波攻擊,無乜政治計算可言,所以至會出現無差別攻擊嘅狀況,講真,你攻擊曾俊華,就出一拳自傷一半,攻擊胡國興,又無乜意思。但希師奶對曾俊華同胡國興嘅攻擊,亦唔會構成太實質嘅損害,因為客路唔同,唔係格食格,支持得曾俊華或胡國興嘅選委,多數都唔會支持希師奶,甚至係好憎希師奶,好似田大少,咪成日抽希師奶水,我懷疑田大少對希師奶嘅憎惡度,唔會比我嚟得弱。

對林鄭月娥嚟講,希師奶嘅無差別攻擊,反而最有影響,首先,講果啲極左勢力飛,係希師奶有能力攞到,但林鄭月娥攞唔到。而極左果班友,反而佢地自己仲有少少政治主見,果班友會唔會投白票,呢一刻真係好難講。另一方面,希師奶係咁打林鄭月娥,會有土共內訌,同埋林鄭月娥無力擺平內部權鬥等印象,再加上,其實兩條友係格食格嘅,所以如果林鄭月娥唔諗點安撫希師奶,佢呢次應該知道攞飛太盡係要找數。

不過,希師奶講咗樣嘢,其實最重要,就係俾林鄭月娥「高票」當選咁又點,林鄭月娥後面班選委代表幾多人,代表乜嘢人至得架,漁農界果六十個選委,講句衰啲,呢班根本係中聯辦啲鬼飛嚟,一啲代表性都無。跟住鄉議局啲飛,其實只係代表一班濫用祖宗土地嘅土豪,根本係無乜代表性可言嘅,然後果啲梁粉地產商喎,佢地係代表商界,只不過,香港最大嘅財團,包括長和系、太古系、怡和系個個唔表態,咁佢幾有商界支持咁呢?更加唔好講,因為一票民主300+嘅飛都無,其實林鄭月娥,只不過係代表一班同中聯辦好熟利益集團,根本係一個腐敗集團嘅代表,你覺得腐敗集團代表可以有幾有民望去管治香港?其實呢個問題,大家用常識都估到,如果真係俾佢當選,香港有排亂就係。

發表迴響

你的電子郵件位址並不會被公開。 必要欄位標記為 *