林鄭月娥-宗教

林鄭月娥 未當選已經被天主教香港教區直接KO

林鄭月娥 喺政綱提出搞宗教事務小組,其他被土共收買啲宗教都無嘢,但一向玩政治玩得好叻嘅羅馬教廷,無乜可能當無事發生過。天主教香港教區全方位開幾日炮, 林鄭月娥 即刻自己收皮,話當選後唔會研究實行呢舊屎。

林鄭月娥 係唔係堅得到北京支持?

林鄭月娥 自己身為天主教徒,兼且以佢做政府嘅經驗,都應該知道,除咗要將內部安全法管制宗教嘅部分劃出,以維持政教分家原則嘅新加坡外,無國家應該去搞呢啲屎部門出嚟。所以有可能係張曉明呢啲契弟叫佢寫,點知衰咗。對張曉明呢啲不學無術嘅契弟,政改分離,同埋契丹統戰羅馬教廷嘅需要,佢識條鐵咩。隨時天主教香港教區開幾日炮就立即收兵嘅原因,係北京有人同佢講,呢個政綱太硬膠,唔可以唔修改。

但 林鄭月娥 一出閘,就要即時收番政綱,而唔係曾俊華、胡國興果啲修改政綱,或澄清政綱嘅做法,一方面 林鄭月娥 個建議太膠,但另一方面,因為佢無晒任何方面嘅信任,連天主教香港教區致力同北京拉關係都好,呢啲涉及底線嘅嘢,都係一炮轟埋去算數,所以 林鄭月娥 究竟有幾多實力,去推出政策,真係好難講,依家全民當佢係賊咁看待,任何嘢就算原意唔係要管宗教都好,佢同梁振英啲關係,大家都會向壞嘅方向諗,甚至覺得條友根本係賊佬試沙煲,所以係唔係隊冧咗佢先講,咁佢仲可以推任何政策出嚟。

今日曾俊華喺學界比賽觀戰,公開表示唔會拆灣仔運動場,全場掌聲,贏晒名校精英支持,你 林鄭月娥 就因為派膠,膠到無譜,俾天主教會轟兩轟,就要自己收皮,如果我係北京,我選 林鄭月娥 呢條友出嚟,會唔會比梁振英搞出更大嘅大頭佛出嚟,好難講。如果 林鄭月娥 本質係鄧竟成嚟,一味講sorry都無咁災難,最怕係依家自知唔夠飛,依家係咁講sorry,話唔推,一上台就方丈上身,然後叫周融呢啲仆街冚家鏟,走去搞天主教堂,或者係咁批鬥天主教,藉此達到佢要嘅政治目的。曾蔭權爵士係虔誠天主教徒,我唔懷疑,但 林鄭月娥 係虔誠天主教徒,定係聽中共話重要啲嘅三自愛國教會假教徒,真係佢當選先知,要用最高權力嚟試佢係堅定流嘅教徒,呢個賭注係咪太大?

發表迴響

你的電子郵件位址並不會被公開。 必要欄位標記為 *