thaad-min

南韓部署 THAAD :你中國自己攞嚟

南部部署 THAAD 導彈防禦系統,防止北韓發癲,竟然引嚟契丹杯葛南韓。契丹因為控制唔到北韓,南韓被迫部署 THAAD ,契丹無反省自己,仲要任由啲弱智國民張牙舞爪,香港傳媒無人分析,真係令人遺憾。

一早滅咗金氏王朝,就唔駛部署 THAAD

契丹反對南韓部署 THAAD ,多少因為契丹立心不良,以地理位置計,契丹要發射導彈到日本,勢必經過韓國領空一帶,一旦南韓部署 THAAD ,契丹導彈好大機會喺朝鮮半島上空被擊落,呢種立心不良,係一定要當眾篤爆。如果契丹唔係成日想打日本,咁做乜要反對 THAAD ,THAAD 嘅部署,阻止北韓亂嚟,其實契丹本身亦有得益,只要立心不良想取道他國領空嚟打人果啲hihi,至會咁驚成個導彈系統嘅存在。

其實金氏王朝會為朝鮮半島帶嚟問題,我2010年喺新加坡《聯合早報》寫得好清楚,我當時係連方案都諗起,南北韓喺大韓民國旗下統一,因為大韓民國係大韓帝國繼承者,大韓帝國係李氏朝鮮王國繼承者,有十足嘅法理依據。而喺南北韓統一後,大韓民國就好似奧地利咁自己宣布永久中立,而中立地位得到列強保證,長遠解決朝鮮半島嘅和與戰問題,呢個亦係契丹最有可能有戰略得益嘅方案,只不過,契丹仍然想藉控制金氏家族,變相攞北韓人民做人肉盾牌,呢啲仆街諗法,咪令南韓近十年以嚟親契政策越走越遠,必須再度同美國合作,至能夠得到安全上保證。呢種外交上嘅失敗,再加立心不良,不單啲糞青唔敢面對,香港傳媒唔肯講,最核突係,啲左膠無人出聲。

雖然根據《南北韓,統一必亡》嘅書所講,南北韓統一嘅經濟代價可能極大,因為大家都知,做咗契丹七十年軍事緩衝區嘅北韓,實際上只係一個地獄,要將一個地獄變回一個可以人住嘅地方,必定有好多問題。但由戰略角度著想,南北韓喺大韓民國旗下統一,其實對各家都最有利益嘅方案,一如奧地利成為中立國,為蘇聯同西方陣營之間提供咗緩衝區一樣。問題係,契丹人嘅政治智慧遠唔及俄國人,唔單只唔識計數,仲要計錯數都要諉過於人,真係核突到無朋友。

發表迴響

你的電子郵件位址並不會被公開。 必要欄位標記為 *