林鄭月娥-宗教事務小組

林鄭月娥 話搞宗教事務小組:想侵害宗教自由就玩

林鄭月娥 成日話自己係天主教徒,只不過 林鄭月娥 第一個得罪嘅宗教,亦係天主教。 林鄭月娥 主張搞宗教事務小組,天主教香港教區助理主教楊鳴章幾親權貴都好,都立即開火話無必要咁做。

林鄭月娥 當咗香港係新加坡

喺亞洲,有個國家有明顯統籌各宗教間關係嘅政府機構,果個叫新加坡,因為新加坡有Maintenance of Religious Harmony Act(維護宗教和諧法),將宗教問題避免吓吓用內部安全法令(Internal Security Act)管,新加坡有呢個法令嘅原因,除咗因為新加坡嘅地緣位置,本身成日面對恐怖分子之外,新加坡啲宗教紛爭簡直係去到無日無之嘅地步,過往係,宗教同宗教之間片,宗教內部又互片一餐,新加坡咁細,有咁多個唔同嘅種族、語言、宗教、宗派嘅人住埋一齊,仲要互片,你諗吓如果政府唔及時排難糾紛有乜結果,真係新加坡變咗遠東貝魯特都似,你估好好玩,作為南洋人後代,我好明白當中嘅膠力所在?喺南洋呢種已經接近中東七國咁亂嘅環境,新加坡政府要發明啲特別方案去防止新加坡變成宗教戰場,所以有Presidential Council for Religious Harmony(宗教和諧總統理事會),集齊新加坡各大宗教大佬出嚟,除咗對啲宗教極端人士發出限制令,亦方便各大宗教將啲紛爭四四六六拆掂佢,唔好吓吓講手。

但香港根本無呢個需要,香港嘅回教、道教、孔教都溫和,天主教會批評政府,但本身唔係極端,最困擾香港嘅宗教派系,其實係明光社,果啲假道學到爆嘅主張,吓吓都激親香港人,但基本上,遠遠未去到好似新加坡咁,有可能有嚴重治安問題,咁我想問,你 林鄭月娥 忽然提呢舊嘢做乜,想學契丹政府咁,將所有宗教控制喺自己手上,變咗共產黨分支?大家要留意一點,新加坡政府基本上唔理各大教派教會內部行政問題,因為人民行動黨係唔想理呢啲嘢,因為呢啲嘢一惹上身就永無寧日,政府永遠只係一個和事佬,平衡各大教派,你唔好走去郁人民行政黨,或者搞恐怖襲擊,新加坡係唔想理你啲宗教,但契丹共產黨,好明顯另一個諗法。

所以我好直接咁講, 林鄭月娥 呢個idea立心不良,好難支持。

發表迴響

你的電子郵件位址並不會被公開。 必要欄位標記為 *