特首選票-min

特首選票 梗係唔可以送上契丹,但唔係玩即場銷毀

李慧玲引述消息人士指,中聯辦癲到話要送 特首選票 去契丹驗指紋,確保票票投俾林鄭月娥。當然,以張曉明果種short上腦,佢有可能做得出。只不過,要防範中聯辦咁玩嘢,亦唔係玩點完即場銷毀選票,呢個世界無人咁做,even曾經面對馬共玩嘢嘅新加坡。

選委選票 應存喺法院

選委如果怕 特首選票 留有任何指紋,最簡單嘅做法,就係接觸任何選票之前戴上手套,因為一戴手套就乜指紋都無,呢個係最簡單嘅做法,食家鄉雞果啲用完即棄膠手套,係最好用,用完就即送入劉江華個口度,乾淨快脆,如果要政府即場銷毀選票,如果有選舉呈請點算,呢件事係唔可能嘅。

新加坡對付馬共經驗豐富,我都講過,馬共真係乜嘢膠嘢都玩過晒,佢地成日最興話投票唔係保密嘅,基本上,依家張曉明都係馬共果啲低智能玩法,所以新加坡大選嘅玩法,最值得香港參考,新加坡大選除咗票箱係用紙箱,即場裝嵌,以示公平外,仲有,點完嘅選票,相關文件等等,係再用同一個紙箱喺候選人面前封好,儲喺法院,得法官可以打開,基本上你想睇,唔該申請法院命令,無法院命令阿水都無得睇。而法院基本上,係涉及選舉舞弊或者呈請嘅情況,至會批出法院命令可以翻閱選票或者重點。

香港法官聲譽良好,大可以同一玩法,所有 特首選票 ,全部喺候選人面前封箱,喺候選人面前送入終審法院嘅指定倉庫,千二張飛,同新加坡全國強制投票幾百萬張飛比,好濕碎啫,只有終審法院五位法官嘅命令,至可以將啲飛運出,銷毀過程又係搵晒各候選人同傳媒見證,基本上,用碎紙機直播碎選票,都仲可能得,千二張飛,幾部碎紙機乜叉都碎到出嚟喇。我想知張曉明,仲有乜嘢可以玩到出嚟。我相信玩到咁,如果張曉明想玩,就一係嚟個真賄選,一係就搞政變算喇。

面對依家中聯辦用馬共啲爛手法嚟干預香港政府,一定要用李光耀果種冷靜同智慧,李光耀畢竟係劍橋大學訓練出嚟嘅英國律師,越喺程序上嚴謹,越能防止中共班友亂咁嚟,因為中共班友係一班無邏輯觀念嘅契丹人嚟。當玩到呢個level果陣,自然會迫到班仆街入死角。

One thought on “特首選票 梗係唔可以送上契丹,但唔係玩即場銷毀

發表迴響

你的電子郵件位址並不會被公開。 必要欄位標記為 *