林貝聿嘉

林貝聿嘉 先撩者賤論與英治年代扶植嘅土豪劣紳

林貝聿嘉 呢個盤據灣仔多年嘅土豪,為咗支持警察濫權,竟然用先撩者賤嚟形容曾健超,無恥到極點。只不過,作為一個熟悉南洋政治嘅人,比較大馬嘅情況, 林貝聿嘉 呢啲所謂街坊組織嘅掌舵人,係會為咗擦鞋保住自己嘅位,乜嘢都講得出嚟。

林貝聿嘉 只不過英國人扶立嘅走狗

英國人喺統治遠東五個殖民地,包括香港、海峽殖民地、英屬馬來屬邦及聯邦、砂磱越同沙巴(英屬北婆羅洲)果陣,都係有收買當地一大堆當地土豪,喺香港,界限街以北扶植咗劉皇發呢啲人,界街南以南,大家見到譚惠珠、 林貝聿嘉 、周潔冰呢啲垃圾,都係當時英國人培養,達到以華制華嘅目標。如果比照大馬,大家就見到係馬華公會、巫統、土著政黨果啲要人,全部都係英國人收買對象嘅餘緒。

英國人基本上,只係考慮統治方便,殖民地離開英國後,呢班友接唔接受民主自由價值,並唔係佢地嘅考慮範圍,所以佢地攞住一大堆英國荷蘭水蓋都好,呢班友仍然維持果種落後野蠻嘅思維方式,甚至佢地喺西方受教育都好,但OS根本無變,所以呢班友嘅食相往往係最核突果批人,所以你睇到, 林貝聿嘉 呢啲人,英國人當政就做英國人嘅急先鋒,到咗中國人當政,就講嘢同共產黨口徑一致,一百八十度大轉變,呢班友嘅本質,就係喺殖民統治下,有奶便是娘,所以呢啲人渣,我個人係最睇唔起。

喺遠東英國殖民地裡面,呢啲友仔喺獨立前後作惡最少係新加坡,一方面,因為馬共滲透呢啲組織太勁,李光耀必須清洗晒呢班友以除後患,所以新加坡嘅「民間-建制聯繫」,由人民協會(People’s Assocation)取代咗,如果喺新加坡住嘅人,有張去Cold Storage(即係惠康)有折扣嘅EZ-Link卡,果張咭就係人民協會發。另一方面,因為新加坡好多呢啲土豪,都係用唔少中國省籍籍貫劃分,而新加坡唔同籍貫啲人,因語言唔同會互片,所以李光耀一個講英文長大嘅人搞華語化+英語化政策一次過得罪晒佢地,反而少見好多呢啲垃圾周圍走。如果香港要步向歸英或獨立,清理呢啲垃圾係一個必然課題嚟。

發表迴響

你的電子郵件位址並不會被公開。 必要欄位標記為 *