中聯辦-清洗

清洗 中聯辦 只係遲早問題

中紀委派巡視組人員巡港澳辦同 中聯辦 至今,仲未有人落鑊,好多人都好心急。其實,依家習近平清洗緊胡錦濤留低嘅對台系統,由習近平派人巡視對台系統嘅時間,再比照中紀委巡視 中聯辦 嘅時間,如果我係張曉明,我真係唔敢升做港澳辦主任,隨時升完就去咗秦城。

習近平可能喺特首選舉前後清洗 中聯辦

今日《自由時報》負責綠營對中國分析工作嘅范世平教授,寫咗篇文章,分析習近仲清洗對台系統,時間上可以作參考

2月23日,在中共全國政協第五十四次主席會議上,擔任全國政協常委與港澳台僑委員會副主任的海協會常務副會長鄭立中被撤銷政協委員資格,媒體臆測他可能涉及貪腐而遭到調查。

2015年10月19日,中共中紀委巡視組巡察國台辦後,稱收到「反映一些領導幹部的問題線索」。而鄭立中在2005年5月從福建北上擔任國台辦副主任與海協會常務副會長,2013年11月卸任副主任,卻仍擔任海協會副會長迄今,在國台辦體系工作長達12年,因此與台商關係緊密。2月22日,國台辦前副主任龔清概因受賄案在河南法院開庭審理,被控受賄超過5352萬人民幣,也是因為在福建時期與台商的綿密關係。

習近平2015年10月派人去查佢,2017年2月就落鑊,中間仲有件茂利中咗招,被人落鑊煮埋,換言之,大概用年半時間儲證據整一條友,呢個係習近平嘅風格。如果係咁,張曉明可能明升暗查,就係方便捉佢返去落鑊煮。

而且范世平分析有點好有趣,習近平係整人由下到上去整人,先整細後打老虎,而對台系統嘅清洗,主要係炮製賈慶林

接下來,可能整肅的對象就是陳雲林,他在1997擔任國台辦主任,2008轉任海協會會長,2013年4月卸任,橫跨江澤民與胡錦濤時期,目前國台辦的重要幹部都是他的人馬。而他與當時政協主席賈慶林關係密切,而賈與江澤民關係密切。習近平上台後積極打擊江系人馬,這或許是下一個。

呢個同《成報》係咁提張德江嘅做法脗合,甚至《成報》有可能係故意激張德江,否則點會有淋紅油果啲黑材料俾習近平去整人?

都係果句,依家跟中聯辦果啲小心啲,咪話我呢個中共黨史研究者唔提醒大家。

發表迴響

你的電子郵件位址並不會被公開。 必要欄位標記為 *