vpn

VPN :中聯辦亂政時期必需品

一直以嚟,我自己都有做 VPN 業務,只不過係resell歐洲公司嘅 VPN 幫補吓。只不過,近日我自己決定喺美國起咗個自己私家用,完全百分百自己控制嘅 VPN Server,當然用OpenVPN技術,自己嘅電腦同手機,依家可以嘅情況下,寧願慢啲、食電啲都盡量 VPN on-line,呢個理由好簡單,因為依家中聯辦亂政開始暴走,你唔知佢地想點。

VPN 將自己嘅通訊盡量加密

以往香港人,只要維持用3G或4G通訊,都未必駛吓吓都 VPN 護身,一方面因為中聯辦無咁大budget,要動用契丹果啲超級電腦去decrypt你啲通訊,另一面,3G或4G技術本身加密係夠,但依家唔同,當成報個主機被人狂打果陣,相信江系撥咗好充裕嘅運算量俾中聯辦班仆街,特別除咗天河一號果啲,依家阿里云嘅運算力都好強大吓,再加上香港好多電訊公司嘅基建都係契丹貨,咁嘅情況下,你進行未經加密嘅數據通訊,簡直係暴露自己喺中聯辦之下。所以無辦法,要自建 VPN 主機,確保自己嘅通訊係由自己去掌握。

當然,依家興建 VPN 主機嘅技術難度,以至成本都低咗好多,依家各大雲端公司狂減價,主要你唔係蠢到喺香港起server,基本上成本唔係大問題,至少唔係一筆大錢嚟。另一方面,依家 VPN 主機嘅軟件成熟度亦好好多,我既然可以幫自己起Wordpress主機,乜都一手自己搞掂,咁 VPN 主機呢啲涉及linux嘅嘢,唔係太難到我嘅。

其實我對泛民中人無用 VPN 加密通訊嘅習慣係好意外,對我嚟講,契丹政府用政府資源作黑客,呢個係常識嚟,所以我遠離 Windows ,連寫blog主機都儘量係https加密,傳統話音電話最大功用係報警對付街頭契丹乞兒,而大部分通訊都係加密咗嘅voice over IP,大家講到依家西環亂政咁恐怖,其實泛民或本土中人,可唔可以養成一個習慣,就係儘量任何通訊都加密,無論電郵、上網、話音,乜都好,儘量將土共竊取通訊嘅成本加到最大。如果泛民同本土有呢個意識,要治賊係容易好多,至少可以專心打好似何民傑呢類賊。

發表迴響

你的電子郵件位址並不會被公開。 必要欄位標記為 *