Trump-國會

Trump 國會演說:只要佢唔發癲,佢知要點玩

我好少喺香港時間日間,寫有關 Trump 嘅嘢,只不過,由於 Trump 對參眾兩院聯合會議上嘅演說,喺當地晚間舉行,剛好係香港時間早上嚟,所以比較特別,喺中午時間評論 Trump 嘅新政策。

Trump 知發生緊乜事,有啲仲政策好左添

Trump 係怪物嚟,一個本來民主黨金主嘅人做共和黨總統,本來充滿矛盾,而 Trump 呢份唔係國情諮文(state of the union address,等同英國嘅Queen’s speech),但效力等同國情諮文嘅 Joint address,正正反映佢呢方面嘅本質。

佢話大力投資喺基建,特別道路同橋樑,我只會聞到一陣羅斯福除,無錯,上世紀羅斯福處理great depression果陣嘅solution之一new deal,而new deal嘅核心係大力投資基建。當然,美國好多基建係時候執執佢,雖然好多係好耐用,但有啲基建係唔夠用,或者紐約市果啲,plan咗接近半世紀至起一條地鐵線嘅玩法,呢樣真係有問題。

至於唔要Obamacare,但又要more access同lower cost,我睇唔到taxpayer involvement以外任何出路,一係政府要同各大healthcare provider拗手瓜,大家都知果班友係明搶錢,一係政府注入資金入去幫中下階層買medical care,甚至由政府接手中下階層嘅醫療費用,我真係想知個具體方案,但唔似係共和黨人想要果樣嘢。

契丹唔係 Trump 首要對付目標,呢個理解,因為IS更麻煩, Trump 有樣戰略見解係唔傻,美國有責任提供一個安全環境,俾難民重建家園,長期駐軍可能唯一出路。奧巴馬任內其中一個大錯係伊拉克撤兵,呢個滿足咗左膠嘅反戰訴求,但實情係,呢個係搞到歐洲同美國一鑊泡嘅開端。對付中東果啲借回教之名做賊嘅仆街,講緊係要幾十年時間清理同扶立一個民主政權,呢個至係真正解決難民問題嘅方案, Trump 唔係一味阻止難民嚟,同綏靖政策時期,唔俾猶太難民庇護又唔打柒納粹黨果種態度係唔同。

Trump 只要唔發癲,佢知乜事。但唔該,唔好對傳媒做方丈,浪費時間兼無乜意思。

發表迴響

你的電子郵件位址並不會被公開。 必要欄位標記為 *