Trump-Obama-min

Trump 你姓賴都唔係賴到 Obama 頭上

Trump 上任總統以嚟,啲黐線指控,搞到唔俾CNN, BBC去吹風會,我已經覺得匪夷所思。但更匪夷所思嘅指控,呢個已經去到契丹共產黨級數,令人反感,就係 Trump 接受 FOX 訪問果陣講,佢認為針對共和黨果啲示威,幕後係 Obama 策劃,只不過,佢無證據去支持佢嘅指控。

Trump 你 short 咗呀

我個人好病果陣,我見到 Trump 嘅指控都跳起嚟,大佬,呢啲指控已經係文匯大公級數,香港人好熟呢啲指控,例如話黃之鋒係海軍陸戰隊特訓嘅,你睇黃之鋒嘅身型、身手、樣貌,你覺得佢係美國軍方訓練出嚟嘅人?文匯大公呢啲天方夜譚嘅指控,正正係香港人厭惡統監府果班人渣嘅原因。依家 Trump 嘅指控,竟然指到依家享受緊人生嘅 Obama 頭上,正常嘅人,我唔理乜國籍嘅人,都只會想講一樣嘢: Trump 總統,你無嘢嘛,你唔該驗驗腦好,講嘢之前諗清楚你自己講乜,你依家係手揸住美國核武發射大權嘅總統,任何言行都唔可以亂嚟,否則後果會極為嚴重。

我唔知 Trump 仲打算暴走幾耐,我寧願 Trump 用佢暴走能力去對付契丹,而唔係美國傳媒,更加唔係製造一大堆連證據都無嘅指控,同梁振英一樣。美國係有完整嘅check and balance制度,而美國公眾同政界中人都唔係傻,如果有日共和黨嘅國會議員忍無可忍,要求彈劾 Trump ,我覺得完全唔出奇。特別 Trump 呢種講嘢嘅邏輯,完全唔似一個美國政客應該會有,相反,我會覺得俄國或契丹呢啲受過共產黨統治嘅國家,就會有呢種邏輯思維,依家美國唔少人都好懷疑 Trump 同俄國政府之間嘅關係,如果 Trump 繼續有呢啲匪夷所思嘅表現落去,美國情報部門同政界聯手做嘢,甚至情報部門、軍方、傳媒、政界聯手係唔出奇。呢個亦係點解,英國 MI5 喺美蘇冷戰期間,係會監控政客,果啲同蘇聯關係太密切嘅政客,係會被人趕出去,最多唔判果啲政客係叛國免招尷尬,但唔代表呢個世界啲人都係傻。而依家 Trump 姓賴賴到 Obama 頭上,美國人唔懷疑 Trump 就出奇。

發表迴響

你的電子郵件位址並不會被公開。 必要欄位標記為 *