曾俊華-單程證

曾俊華 拋出單程證議題:林鄭月娥點接招

曾俊華 喺接受端傳媒/facebook 聯合訪問果陣,拋出咗一個香港所有民生問題裡面嘅核心問題:入境政策。 曾俊華 用一個婉轉嘅方法,提出解決單程證問題嘅一個方向,呢個方向北京接唔接受,唔知,但一定有香港人嘅民意支持。

曾俊華 提出嘅單程證問題解決方向

曾俊華 提出呢個問題果陣,真係十分之婉轉,但難得佢有膽量去提呢個問題,呢一點,我個人諒解佢嘅婉轉,佢講法包括

  1. 「應該有一啲say」
  2. 在教育、房屋等方面或會有「所謂分薄咗一啲」,但是希望他們可以對社會有正面貢獻

當然,喺契丹政府擺明車馬嘅殖民政策下,契丹政府會唔會因為 曾俊華 咁早提呢個問題,直接DQ曾俊華,我唔知,但呢個問題,胡國興嘅回應,我唔會太擔心,胡國興審案多年,相信見過同契丹移民有關嘅奇怪案件都唔少,我唔覺得佢會覆出膠出嚟,但林鄭月娥同埋張曉明點接招,如果契丹因呢個民生問題,而令 曾俊華 喺高民望下無得玩,我幾相信一樣嘢,未來日子香港人對契丹統治嘅反彈會極之大。

點解我話單程證問題係核心問題中嘅核心問題,因為香港嘅房屋、醫療、教育、交通等民生問題一鑊泡,都係因為移民數字唔受控制,遠超出香港嘅負荷所致,除咗要減少單程證嚟港數字,有部分契丹人,係應該考慮有incentive嘅情況,勸他們放棄作為香港居民嘅權利,返到去契丹原居地去減少人口負荷。當然,乜嘢叫社會正面貢獻,係英國IA 1971早期嘅,唔會造成公共財政負擔原則,定係更重大目標,例如已經掌握一定程度香港及英國語文,並且顯示到同香港嘅緊密聯繫,至可以俾佢地申請嚟香港呢,呢一切一切,絕對可以討論,而我一直都傾向喺呢方面向英國同歐盟某程度上學習,因為依家港中矛盾其中一個導火線,就係嚟到香港嘅移民,根本唔接受香港嘅核心價值,亦唔願意學習香港語文,同埋對香港作出貢獻,但福利就攞一大堆,咁樣玩法,唔出事就真係天方夜譚。

依家我想知道,林鄭月娥點回應。但英國fixing broken housing market嘅前提,都係BREXIT停止歐盟公民移入。我睇唔到香港現行入境政策唔改,有乜前景可以解決問題。

發表迴響

你的電子郵件位址並不會被公開。 必要欄位標記為 *