中銀香港-min

中銀香港 又買東盟資產:走資行動

中銀香港 賣咗集友銀行俾福建市政府無耐,依家又宣布買埋中銀喺印尼同柬埔寨嘅分行,應該 中銀香港 遲吓會買埋中銀喺菲律賓同越南嘅分行,喺南洋以及大中華地區,應該剩番中銀新加坡、中銀澳門以及中銀台灣未賣,但中銀澳門由於係發鈔銀行,應該唔會賣俾 中銀香港 ,中銀新加坡有戰略用途,亦未必適合交俾香港註冊嘅 中銀香港 揸住。

其實 中銀香港 一連串交易,好明顯係一堆走資行動。

中銀香港 幫啲錢走出去

首先, 中銀香港 賣南洋商業銀行同埋集友銀行控股權俾契丹嘅政府機構,係將 中銀香港 剩餘嘅銀行牌照出售,用作新嘅走資出口,特別要留意集友銀行嘅交易,係賣俾福建省政府相關機構,福建省政府同習近平淵源深厚,所以可以視為習系藉集友系統走錢。集友銀行同南洋華人嘅淵源深厚,所以走資上有戰略位置。

中銀香港 買東盟六間分行嘅錢,實際上係以左袋交右袋形式進行,唔涉及銀行任何真實資本,因為買南洋商業銀行同集友銀行,都係契丹嘅國有銀行,但中銀香港控制六間中銀海外分行後,果六間海外分行實際上已經唔係契丹控制,而係 中銀香港 呢間香港註冊成立有限公司控制,呢個並唔係一個尋常嘅安排。當然,東盟六行盤數未必好睇,特別馬來西亞分行﹐一旦馬爆就真係好難睇。只不過,由於 中銀香港 已經控制咗東盟六間分行,呢六間分行嘅資產實際上同中國政府本身割離咗,以香港嘅奇怪地位,一旦支爆發生, 中銀香港 同東盟六間中國銀行就會一併離開契丹政府嘅控制,你話呢個行動唔涉及走資,我唔係太信。

當然,中銀依家收埋果六間 東盟分行都有一個特色,就係好多華商透過呢六間分行匯錢返契丹,或同契丹做生意,以往南洋華人匯錢去契丹,都係透過果六間分行,以及觸發新馬分家嘅中銀新加坡分行。所以實際上,南洋華人嘅錢,唔計新加坡,都已經割開咗,共產黨玩得出呢手,係有一定政治或戰略意義,甚至為日後保留自己嘅有生力量做準備,因為西方國家中銀被人睇到實,未必做到好多嘢。呢啲咁有政治意味嘅行動,就未必係純粹搞財技或財經嘅人睇得出嚟。

One thought on “中銀香港 又買東盟資產:走資行動

  1. 我覺得另一個考慮係如果真係中國真係無足夠外匯去回收人民幣, 佢哋就逼中銀香港做接盤, 境外人民幣同境內人民幣匯價就會重現2005年匯改前嘅情形. CNH 同CNY 就完全分割. CNH 會暴跌, 而CNY 係繼續有價無市, 閂門打飛機.

    呢個設計係先建防火牆, 因為香港, 新加坡, 台北都係人民幣國際化原來嘅結算中心. 中共咁做亦可堵塞大陸人在東盟6國走錢. (其實呢6國嘅貨幣實際都係美元本位國, 泰銖, 印尼盾, 菲律賓披索, 馬幣一向全部同美元嘅波幅低到直情同掛勾一樣. 而越南, 柬埔寨直情美元化咁滯.)

    因為如果呢啲中行海外分行要接海外人民幣沽盤,原則上北京總行係要食嘅,呢個可能係一個出事嘅signal…

    外資係國內賺咗唔比走, 一出就係CNH (貶值咗), 一次貶完掠完水, 又有豬趁低吸回CNH, 回國…無限loop, 繼續做貨幣操控國….

發表迴響

你的電子郵件位址並不會被公開。 必要欄位標記為 *