林鄭月娥-唔柒夠

林鄭月娥 攞 唔柒夠 咁多飛

香港係一個好奇怪嘅粗口城市,中聯辦支持啲友仔,都係同啲香港語文粗口拉上關係,梁振英得票陸捌玖張,因為無咗個七字,變咗無柒用,結果對好多問題上,梁振英確實係無柒用,仲要去年十二月被人DQ埋。但被譽為陸捌玖2.0嘅 林鄭月娥 ,都似乎走唔到西環出口,必有粗口跟嘅魔咒,提名票有伍柒玖張,簡單嚟講,同香港語文相關嘅粗口,一個柒字,一個玖字,直接出街,兼且精準描述咗 林鄭月娥 依家嘅處境,就係啲票唔柒夠多,無辦法一吓子KO佢嘅對手。

林鄭月娥 唔柒夠嘅點只係選票

依家 林鄭月娥 唔柒夠提名票,呢個唔駛講,連個提名數字都可以清晰顯示成句粗口出嚟,呢啲邪門嘢,真係可以同丁蟹效應,以及燒山燈神效應鼎足而立,但 林鄭月娥 唔柒夠,又點只係選委票咁簡單。

  1. 成個提名名單,唔係果啲被中聯辦綁架嘅人,就係中聯辦自己啲人,例如漁農界果六十張所謂選委飛, 林鄭月娥 唔係認為可以靠張曉明呢條得個囂同貪嘅契弟可以維持管治嘛?
  2. 提名 林鄭月娥 嘅選委民意基礎,同曾俊華以及胡國興無得比,曾俊華同胡國興後面嘅民主300+,講緊代表至少幾十萬香港專業中產,你依家 林鄭月娥 支持果啲,全部係商家、商家同商家,連民建聯啲區議員,有啲都怕日後區議會選舉上身,唔俾提名你, 林鄭月娥 應該知道自己呢一刻,可以有幾神憎鬼厭,民意支持唔柒夠。
  3. 林鄭月娥 更唔柒夠一樣嘢,係政策研究,佢份政綱嘅政策研究水平,係四條友裡面最差果個,除咗大雜燴,完全無指出問題,提供解決問題方向同方案嘅能力,成個政綱,除咗文件所用嘅科技係垃圾,係連內容本身都係垃圾,搞到要抄為正策士策掂比賽啲嘢,都係膠到一個頂點嘅地步。一個政策能力根本唔打得嘅人, 唔柒夠 嘅,又點只係選票呢?

對講意頭嘅香港人,唔柒夠呢個數字係唔吉利,而對於好鍾意用花名嚟恥笑人嘅香港人,淋病呢個花名已經好毒,梁振英果個都係暗藏粗口,但本身唔出粗口,依家係直接出夠兩個粗口字俾你,咁樣俾你選到又點?如果中聯辦監粗要佢贏,未來五年大家真係等睇大革命發生。

發表迴響

你的電子郵件位址並不會被公開。 必要欄位標記為 *