林鄭月娥-提名-2

林鄭月娥 攞唔夠600票:場仗有得打

林鄭月娥 醜婦終須見家翁,要交提名去選管會,等有記者睇咗提名名單後,可以再分析,但 林鄭月娥 只係攞到579張提名票,換言之,呢場仗可能係一場硬仗,好戲在後頭。

林鄭月娥 鐵票實際係400左右

由於提名係明票,有中聯辦呢啲機構搞選舉舞弊,廉署無人郁佢嘅情況下,好多人因唔同理由,侷住俾提名 林鄭月娥 ,所以 林鄭月娥 嘅實際鐵嘅提名,就係中聯辦可以實質控制果四百張飛咁上下,因此,俾多佢, 林鄭月娥 穩陣嘅飛係476,由於係兩輪投票制, 林鄭月娥 肯定要第二輪同胡國興或曾俊華是但一條友廝殺。

所以,泛民果325張飛,係一張都唔可以少,梁國雄同自決派咪硬膠投白票,你唔知某位名嘴後面嘅真老闆係乜水。依家反抗力量嘅飛,連35張提名曾俊華,扣除五位自決派同長毛之類硬膠,實際係320+35,係355張,其實係有打嘅空間。依家胡國興要入第二輪難度,就變咗好高(坦白講),除咗曾俊華民望奇高之外,更大問題係,中聯辦果400張飛,同泛民加商界抵抗運動320張飛之間,大概果五百幾張游離飛,胡國興有幾大把握去攞,呢個係好唔容易,因為果堆飛係商界多,仲要有一張應該係曾俊華嘅暗票,即係依家係476對455之間嘅局勢僵持,其實係好緊迫。

有幾個人,依家係有機會做kingmaker,一個係希師奶,依家 林鄭月娥 咁唔俾面希師奶,希師奶如果入唔到閘,應該將佢手上果啲飛過俾曾俊華或胡國興是但一個, 林鄭月娥 上台佢無著數,但曾俊華或胡國興上台,佢仲有一線生機喺下屆打落去,如果當時香港無政治巨變嘅話。另一個係李嘉誠,佢能夠控制月幾多飛可以倒落去俾曾俊華或胡國興,呢個亦係值得注意。但兩邊陣營,實際上係要爭多百幾張飛咁上下。

由於係兩輪投票制,無鎅票問題,大家可以某程度上當first round係泛民初選嚟打,依家睇曾俊華同胡國興,邊個可以再擦靚啲個政綱,因為兩邊啲政綱都好多執漏位,認真講。但second round,ABC陣營真係要團結一致。但要小心,唔可以俾中聯辦first round攞到601張飛,所以大家要睇實張曉明呢啲人渣。

發表迴響

你的電子郵件位址並不會被公開。 必要欄位標記為 *