林鄭月娥-政綱

林鄭月娥 故意令人搵唔到嘅政綱

林鄭月娥 個website推出至今,有啲事一直好令我費解,例如website推出初期,果啲對SEO不友善嘅robot.txt header,今天推出政綱,又有怪事,成份政綱都係jpeg pdf嚟,即係 林鄭月娥 政綱嘅pdf檔案都係jpeg,呢個係一個SEO extremely unfriendly嘅deployment嚟。

林鄭月娥 嘅jpeg pdf有幾SEO Unfriendly

雖然好似我呢啲好事之徒,可以搵program,將 林鄭月娥 嘅政綱還原為字,但對大部分市民嚟講,一定唔會花呢個CPU Power同功夫去做OCR工作,而Google Search Engine更加唔會, 林鄭月娥 嘅jpeg pdf政綱,喺SEO技術角度,係極為不友善嘅,原因如下:

  1. 因為無文字,所以Google bot或bing bot,唔會crawl到任何文字,根本無法將政綱index到search engine,或者index果陣,因為keyword太少,所以係搵唔到
  2. 依家係講求pagespeed年代,由於jpeg pdf嘅檔案體積偏大,例如 林鄭月娥 嘅政綱,size有成5MB,呢個一定係一個又慢又煩嘅體積,呢個會進一步令林鄭月娥個政綱嘅pagerank降低.

只不過, 林鄭月娥 可能係故意出一個SEO unfriendly嘅政綱出嚟,好可能 林鄭月娥 一當選,成個website連埋pdf就人間蒸發,跟住大家要搵 林鄭月娥 走數證據嘅時候,都要花費九牛二虎之力。如果係故意走數嘅話,咁有人玩anti-SEO嘅動作,整份咁嘅嘢俾大家嘆,咁就變得好合情合理,如果真係玩啲咁賤嘅嘢,由於喺選舉期間,未經候選人批准招致選舉開支係違法,所以理論上,如果無 林鄭月娥 選舉辦公室批准,我都唔可能整份文字版嘅 林鄭月娥 政綱上網存檔,否則可能構成觸犯選舉法例。呢個情況下,大家可能要儘快喺 林鄭月娥 嘅website下載成個pdf檔案後,喺投票結束後,將一份search engine friendly嘅版本,擺到Amazon S3之類可靠services,俾大家可以好容易搵到同存檔,以免有人走數。

玩反SEO呢啲賤招,真係聞所未聞,但如果 林鄭月娥 嘅選戰工程係中聯辦主導,佢地玩啲咁嘅賤嘢,又有乜好奇怪。

發表迴響

你的電子郵件位址並不會被公開。 必要欄位標記為 *