曾俊華-奧斯卡

曾俊華 嘅公關team教到大家乜facebook marketing術

喺la la land喺奧斯卡攞錯獎後, 曾俊華 嘅facebook team以迅雷不及掩耳嘅速度,出post自嘲,話任何選舉嘅結果都要等到最後一刻,呢個自嘲將林鄭月娥同中聯辦近日果啲論調連消帶打, 曾俊華 隊facebook team抽水力之強,無可置疑。曾俊華個post,三個鐘提供501 comments、15K嘅like or love,同埋766 shares,大佬,你一間公司要俾幾多廣告費facebook至有呢個效果,依家 曾俊華 隊人,齋抽水就已經一蚊唔俾帶來大量免費嘅marketing sharing,呢啲正係搞social media marketing嘅目的。要俾一大堆sponsor錢至得上述嘅數字,你不如唔好做,執咗佢算。

曾俊華 隊team話俾大家聽marketing係要講政治

以往我識嘅marketing人,多數都認為,做marketing唔駛識時事,最好咪講咁多政治,講政治隨時得罪客戶或契丹市場,所以好多marketing人唔關心政治,或對政治一無所知。點解Lancome同舒適鬚刨係咁搞出關公災難出嚟,多少都係呢類我叫離地marketing嘅友仔有密切關係,唔識抽水做marketing,亦唔知有乜嘢地雷要避,所以衰鑊甘。

香港華資公司,礙於老闆嘅問題,好多都唔敢玩呢啲抽水facebook marketing,依家反而係外資公司,敢用100毛嚟玩呢啲惡搞,例如花王樂而雅玩林鄭月娥政改嚟賣M巾

當然,我覺得唔好100毛一間公司玩晒,但依家要做facebook marketing成功,你一定要有時事觸覺,抽水講緊係電光火石間嘅嘢,依家好多公司嘅決策流程,都無法應付由facebook普及嘅電子光石潮流,依家 instagram同snapshot都走向普及,如果呢兩者都普及,要嘅抽水速度可能要更快,亦要更夠膽。畢竟依家電視廣告越嚟越無作用,唔通又係台慶夜走去成班友好odd咁狂食肯德基家鄉雞咩,呢啲玩法已經out到嘔。

發表迴響

你的電子郵件位址並不會被公開。 必要欄位標記為 *