林鄭月娥

林鄭月娥 嚟自堅離地城:港鐵全線車廂free wifi有乜後果

由於曾俊華已經成功入閘,160個提名確認晒並作實,我唔知邊個名嘴亂放風話曾俊華啲提名會被人replace(啲風唔係嚟自講果個人本人,講果條友只係中咗伏),所以 林鄭月娥 都要急急公布政綱,迫啲選委快快交提名。

只不過, 林鄭月娥 提倡港鐵車廂全線free Wi-Fi,真係堅離地到一個點。好可能 林鄭月娥 離開政府後,唔記得上番unlimited 4G data plan,搞到好濕滯,所以諗到呢條屎橋。但作為對電訊有啲了解嘅人,我只能講,遲早全香港地鐵乘客喺港鐵車廂形同失蹤,真係多X謝佢呢個白痴idea。

iProA式屎橋:無人brief過 林鄭月娥 個idea可行性

港鐵列車雖然係有電纜,但港鐵嘅電纜由於各種因素,都唔係可以傳送高速數據嘅電纜嚟,所以港鐵車廂嘅wifi,個互聯網訊號來源都係4G,一如機鐵列車上嘅CSL Wifi,個基礎係CSL嘅4G一樣。依家繁忙時間,2.1GHz呢部分已經相當難收到,因為太繁忙,就算係2.3GHz、2.6GHz同埋1.8GHz段用晒,甚至連本來GSM用嘅900MHz用埋,如果政府唔擴充4G頻譜,包括儘早收番無線電視維持模擬廣播而霸用嘅頻段,只要 林鄭月娥 大計一上馬,只要香港人一入港鐵,喺繁忙時間,因為人人用wifi,個別公司嘅4G客戶,將會乜都收唔到。所以呢個政綱要成功, 林鄭月娥 必須責成通訊事務管理局發放更多頻譜,同埋要儘早終止TVB同RTHK嘅模擬廣播,騰出頻譜俾4G用,依家政府乜都無做, 林鄭月娥 憑乜嘢諗出呢啲妙想天開嘅政綱?

呢個政綱點解好有iProA風格,因為iProA同其他IT業界組織最唔同地方在於,大部分iProA高層都係sales嚟,有部分有無技術知識,我好懷疑,你諗吓葛珮帆都可以做過主席,你諗吓發生緊乜事,所以佢地吹水一流,但一講到技術嘢,照跟一定中招。呢個政綱技術問題無人評估過,至少連列車wi-fi後面嘅基建有乜都唔知,求其拋個政綱出嚟,我都唔知仲有乜奇怪政綱,因為病病地無詳細睇,但一睇我已經膠晒。

4 thoughts on “林鄭月娥 嚟自堅離地城:港鐵全線車廂free wifi有乜後果

  1. 呢一篇未免太表面

    當然, 單講技術同流量已經不實際不可行, 係任一個IT人都會睇到既事實, 但重有更加多既問題

    1. 而家咁多人個個月俾幾百蚊上里啲5GB-10GB既4G計劃係為乜? 呢班人有1/3時間都係返工放工時用電話上網, 呢段時間無端端有免費WIFI, 隻娥會得罪哂全港既MSP在先
    2. 留意吓有免費WIFI既地方(就算有限時, 如牡丹樓), 係香港係必然會招聚一班斗零都唔幫襯就霸位上網既大懶蛇, 呢班人當中大半係支那旅霸, 以佢地厚過地殼既面皮, 一枱可以坐咗十個八個人而一杯免費既水都唔走去拎既, 如果真係搞鐵路免費WIFI, 呢班人就會多個地方霸, 到時你一落站就會見到一班冇腰骨既懶蟲好似鼻涕蟲咁一隻二隻撻哂係站裡邊既牆呀欄呀大上特上, 欺善怕惡既鐵路員工又唔會去趕人, 淨係係度捉啲交收既, 到時個站重係人行得入既咩?

  2. 車廂free wifi主要是迎合大陸的做法, 及直接增加了恐怖襲擊的風險.

    很多地方, 例如新加坡, 不是做不到free wifi, 而是恐怖會多了一條unmonitored溝通方法

發表迴響

你的電子郵件位址並不會被公開。 必要欄位標記為 *