特敏福

H7N9變種對 特敏福 有抗藥性:香港準備好未

一直以嚟,香港政府對契丹嘅H7N9疫情採取嘆慢板嘅態度,一方面因為呢個殖民政府對契丹嘅懦弱態度,但另一方面亦因為 特敏福 可以有效治療H7N9病人果陣,政府算盤係,藥物搞得掂嘅問題就唔會係大問題,只要保持 特敏福 存貨充足就問題唔大。

只不過,隨住鍾南山指出,契丹有發現H7N9有變種對 特敏福 有抗藥性,如果香港仲係呢種嘆慢板嘅態度,我都幾驚H7N9嘅疫情,喺香港有可能變咗災難,等到變鳸災難再去拯救,就真係太遲。

特敏福 都搞唔掂H7N9代表啲乜?

我唔係醫生,我唔知仲有乜藥物,喺香港法律下核准可以用作治療H7N9,只不過, 樂感清同 特敏福(Tamiflu)係兩隻最常見藥物,好早樂感清已經被人發現有H7N9有抗藥性,所以大家將焦點集中喺 特敏福 。其實 特敏福 有抗藥性係遲早問題,契丹呢個國家啲醫院點用藥,大家係心中有數,任何抗病毒或抗生素,喺一個藥物經常被醫院為咗搵銀而濫用嘅國家,無乜可能唔會有抗藥性。所以,最基本嘅流感防治:邊防檢查,其實係最有效,但唔好話加強邊防檢查,以及限制契丹旅客入境,傳媒連 H7N9出現對 特敏福 有抗藥性呢個消息都輕描淡寫,係唔係香港人有人因抗藥性問題而死於流感,香港人至會如夢初醒,知道死字係點寫嘅呢,仲已經未計因急症室爆棚,醫生無法及時處理病患而引發嘅死亡問題。

都係果句,香港人一方面,要自求多福,小心流感傳播,做好預防傳染嘅工作,但另一方面,我覺得香港醫護界自己要做嘢,包括優先處理香港病人,公立醫院未必做到唔收契丹病人,但私家醫生同醫院,唔應該做咁多契丹病人嘅case,而唔處理香港病人嘅case,契丹病人如果有乜事,係應該搵番契丹嘅醫院同醫生,唔係香港醫護人手緊張嘅時候,仲要賺果啲醫療旅遊嘅錢。呢幾年香港人公立醫院急症室迫爆嘅問題,某程度上係契丹病人完全佔用私家醫院同醫生所致,俾幾舊水又係要等三四個鐘,俾一舊水又係等三四個鐘,咁點解唔睇公立醫院,問題係咁嚟嘅。而唔期望入境處會把關嘅情況下,只好醫院同醫生自己把關。

發表迴響

你的電子郵件位址並不會被公開。 必要欄位標記為 *