中移動香港

中移動香港 網絡垃圾 通訊局可以做啲乜?

中移動香港 個network係垃圾,呢個已經係常識,加上有個人私隱洩漏疑慮,所以我一直高度唔建議用 中移動香港 個網,但送都唔好用。 中移動 香港個網自己亦唔爭氣,星期日同大家講又係電力系統故障,搞到星期日早上廣泛地區零訊號。

中移動香港 點解禮拜日都冧網

喺世界其他國家,星期日無理由冧網,只不過,由於菲傭同印傭密集咁樣用數據服務,仲要係,收客越多,越平嘅網,就越多呢類星期日重度客戶,所以冧機,仲要冧電力系統係唔奇嘅,係唔係overload唔知,但一定唔似應付到前線狂收平客。

但收平客搞唔掂都算,電力系統斷兩鑊,應該如果無加大投資嘅話,會斷第n鑊,容許簽咗合約嘅客戶,係唔駛任何補償下轉台,好可能係合符客戶利益,無論客戶本身,抑或最終選擇繼續用 中移動香港 嘅客戶,或者因技術理由,被迫繼續用 中移動香港 嘅人,例如做港中兩地生意,要侷住用 中移動香港 嘅人。斷咗約嘅,可以甩身,用個好啲嘅網,至少唔會用到無訊號嘅網,留喺度嘅,亦會因上客少啲,有機會用穩定啲嘅網。但依家有一堆人想斷約,只不過通訊局完全無任何動作幫佢地,而純粹就民事合約法而言,亦無任何條款或法例,可以俾 中移動香港 唔滿意嘅客戶離開。咁搞法,查實同困獸鬥係無分別嘅。

通訊辦係應該主動協助 中移動香港 嘅客戶,傾一個方案出嚟,俾 中移動香港 客戶離開,至少兩次斷網事件都中招嘅客戶,可以有權選擇轉台而唔駛俾任何賠償,因為呢個明顯係 中移動香港 自己嘅能力問題,令 中移動香港 提供唔到服務所致,而無人會有合理預期,個網會虧到呢個地步嘅。但以依家梁振英政府對契丹國有企業果種懦弱嘅態度,我對梁振英政府治下嘅通訊辦會唔會做嘢,我個人係深表懷疑嘅。

所以都係果句,用番傳統港資三大網(PCCW-CSL, Smartone, 3)都好過用 中移動香港 ,中移動香港 只係識得死人霸生地,硬要霸2.1GHz UMTS頻譜,但自己個網絡又虧,呢啲累街坊公司,如果佢後面唔係契丹呢個野蠻宗主國撐腰,邊個用佢個網,仲要無人知佢個APN同data network有無涉及政府監控行為。

發表迴響

你的電子郵件位址並不會被公開。 必要欄位標記為 *