Autotrac III

多謝廢爆嘅 Autotrac III,連以色列總理專機都要delay

雷神 AutoTrac III 廢,相信係常識嚟,只不過, AutoTrac III 廢會有乜人受害,香港會造成乜嘢負面影響,大家未必知。呢次,大家可以見識吓,雷神 AutoTrac III廢爆,點樣影響以色列總理內塔尼亞胡返國行程。

AutoTrac III 處理唔掂,乜機都要降落前盤旋

以色列總理內塔尼亞胡訪問完澳洲後,由於印尼同馬來西亞兩個回教國家,都唔准以色列總理嘅專機飛越上空,所以係經巴布亞新幾內亞同菲律賓,喺香港加油,再飛返特拉維夫。之前總理專家,有新加坡飛澳洲,因為印尼唔准飛機飛過,已經好膠。依家唔駛再經果兩個阿煩膠國家,以為無事喇,咁總理大人,你梗係唔知香港嘅 AutoTrac III 膠震全球,已經有好多飛機因為 AutoTrac III 處理唔掂,要搞到喺上空盤旋,而佢果架 LY34 航機都唔例外,大家可以睇以下 Flightradar 24 ADS-B 嘅雷達追蹤圖,顯示LY34曾經喺香港機場降落前,喺萬山群島以南嘅空域盤旋。

Autotrac III
Autotrac III

大家依家可以見到, AutoTrac III系統嘅問題,有以下幾個:

  1. 因為處理唔掂航空交通,所以會影響香港機場接待重要旅客,包括好似國際政要嘅能力。如果機師飛到over晒啲鐘,要滯留香港一晚,香港警方固然要突然出動接待總理大人,但香港警察啱啱至亂噏廿四完,你覺得個處理可以有幾膠呢?係唔係要順便請總理大人,喺太子訓斥全體香港黑警,香港黑警要集體向以色列總理道歉?
  2. 好唔環保,飛機喺上空盤旋,涉及幾多碳排放,同無謂嘅燃油消耗,果啲環保損失係唔係你民航處班膠官食晒佢,係唔係各大航空公司,可以claim番機管局同民航處無謂嘅燃油損失?
  3. 最慘係,如果轉機旅客手上嘅機票轉機時間好緊張,一遲降落隨時會miss下一班飛機,當中嘅行李安排等問題可以好混亂,呢個係變相唔鼓勵旅客用香港機場轉機,最終嘅損失邊個孭先?我相信好多人中伏,但傳媒無報導過囉。

總之,唔該儘快停用 AutoTrac III 系統,重新招標ATC系統,香港已經被玩夠。

發表迴響

你的電子郵件位址並不會被公開。 必要欄位標記為 *