香港電台

香港電台 已經變成赤化官台?

香港電台 電視部節目《左右紅藍綠》本來請港大《學苑》前老總梁繼平嚟評二二八事件,點知依家《左右紅藍綠》監製以梁繼平有港獨立場為理由唔適合,所以取消邀請。

依家我係 香港電台 節目顧問團成員,兼長期研究台灣政治嘅專家身份講, 香港電台 拒絕邀請梁繼平嘅理由根本係赤裸裸嘅政治審查,一啲道理都無。

香港電台 監製當香港人都係傻佬?

其實對台灣歷史稍有理解都知,今日台獨運動嘅導火線正係二二八事件,正由於蔣介石對日治時期本來喺果度嘅台灣人作出屠殺,係專登搵精英嚟殺,再加上之後嘅禁台語等殘暴行動,令台灣人對中國人失望,觸發台獨思潮嘅興起,既然係咁,如果香港唔想重覆二二八嘅教訓,唔係應該搵親港獨嘅人嚟評咩。

更何況香港好多所謂台灣問題專家,十個有九個都係親國民黨,原因係好多所謂台灣問題專家,特別老果批,都係國民黨治下以僑生身分去台灣嘅大學讀書,佢地根本係一批政治觀點上同國民黨蛇鼠一窩嘅人。如果唔係我當年喺中大政政系,係受教於台灣籍嘅翁松燃教授,加上我本身嘅港獨信仰,我相信我對台灣政治嘅了解都會係國民黨扭曲咗果一套。

我相信依家 香港電台 嘅決定,係違反 香港電台 一貫以嚟嘅客觀中立原則,如果 香港電台 確係持守中立客觀原則,應該請晒各個立場嘅評論員評論二二八。我相信 香港電台 係配合契丹政府騎劫二二八嘅政策,契丹政府喺統監府指揮下作出決定,甚至呢件事同梁家榮有關。由亞視錯報江澤民死訊事件中,梁家榮同譚衛兒嘅表現,都睇到呢兩條友係有問題,雖然闖下彌天大鑊,但之後仍然受統監府重用,分別掌管南華早報同香港電台,就知呢兩條友實際係做緊乜,真係好人都講唔上。

依家都睇得好清楚, 香港電台 已經變成赤化傳媒,都係果句,香港嘅宗主國一日唔改, 香港電台 只會一直頂受赤化嘅壓力。香港歸英或者獨立,至可能重新令 香港電台 成為遠東嘅英國廣播公司,但呢件事,我實會問 香港電台 發生乜嘢事。

發表迴響

你的電子郵件位址並不會被公開。 必要欄位標記為 *