納粹

點解華人社會一再喺 納粹 歷史上犯錯

香港警察自比二次大戰期間, 納粹 德國猶太人大屠殺嘅受害者,結果引發軒然大波,德國同以色列駐港使館都要出聲抗議。呢次係呢十年以嚟,華人社會喺 納粹 言論上犯錯嘅例子。

其實華人社會近十幾年以嚟,經常喺 納粹 歷史上引喻失義,先有葉劉淑儀話希特拉係民主選出嚟,引嚟希師奶嘅惡名,去年年底台灣有中學生喺活動裡面扮演 納粹 黨,結果都係引發極大風波,但喺台灣錯完兩個月後,香港又跟住錯。錯一次係意外,錯多次都可能係意外,但錯三次,就唔會係意外,而係有思想或者文化上嘅問題,需要去反省。

華人社會對 納粹 根本係好熱衷

雖然中國人成日對日本「軍國主義」咬牙切齒,只不過,中國人係唔係真係咁憎軍國主義,又唔係,大家去尚書房一類賣中國大陸書籍嘅鋪頭,發現唔少軍事書籍,好詳細介紹 納粹 德國嘅軍服同軍備,呢啲書,如果喺歐洲標準,根本係禁售,因為呢啲係赤裸裸嘅 納粹 主義崇拜,同靖國神社遊就館嘅做法一樣咁邪惡。所以,華人社會一而再,再而三喺 納粹 問題上犯錯,其實係因為骨子裡面對 納粹 背後嘅極端民族主義崇拜所致。所謂對日本軍國主義嘅痛恨,並唔係因為真係痛恨軍國主義,而係日本人用咗極端民族主義方式擊敗中國,中國人覺得條氣唔順,至成日話好憎日本人。

大家試諗吓,如果1930年代,中華民國- 納粹 德國軍事合作並唔係失敗,而係有多幾年時間攞到成功,大家諗吓會有乜結果,由西班牙、葡萄牙呢啲法西斯政權嚟睇,走向濫殺無辜嘅獨裁政權,呢個係肯定,但更大問題係,西班牙有接收 納粹 德國嘅軍援,或者部分意識形態,但無全面學 納粹 黨嘅文化基因,至少以西班牙地中海拉丁語系民族嘅慵懶個性,搞唔出大規模大屠殺出嚟,但華人唔係。中華民國建立果陣,已經對滿洲人嚟過一次抄家滅族式大屠殺,滿洲人庶近滅族,亦埋下滿語幾乎消失嘅前因。大家再睇義和團果種濫殺,以及後嚟嘅歷史,長春圍城餓死三十萬人在所不惜,以及文化大革命果一大堆無人性嘅作為,如果中華民國 – 納粹 德國軍事合作成功,我相信唔單只有猶太大屠殺,至少京都或日本任何一個城市嘅大屠殺,都係避唔過嘅事。呢個已經係民族集體意識嘅問題,由孫中山搞革命,到依家,中國人甚至華人,都係唔相信民主自由,只係相信極端民族主義,以及所謂嘅強大,成日幻想各國列強要封鎖中國,果種幻想根本同 納粹 黨講「生存空間」論源出一轍,當呢種垃圾嘅思想幽靈揮之不去果陣,華人只要唔反省自己喺文化、民族性上之衰,同日本相比有之而無不及,我相信同類錯誤只會犯完一次又一次,永無停止。

但華人要思考本身嘅極端民族主義思想問題,係唔係咁容易呢,我又唔係咁睇。德國喺二次大戰後深刻反省,一方面因為德國付出嘅代價太大,無一個民族可以付起呢種代價,德國再犯一次錯就真係會亡國滅族。但另一方面,美國透過紐倫堡一系列公開大審,將德國人嘅錯誤展示於德國人面前,德國仲係一個讀哲學嘅民族,佢地由一系列審判中睇到自己嘅錯誤,所以德國至會同以色列並肩,共同承擔將猶太人幾近滅族歷史教訓流傳下世嘅責任。日本正正因為中共崛起緣故,美國只能做到將自由民權運動嘅理念注入日本國憲法裡面,但無法清除由明治維新走錯路搞出嘅極端民族主義,所以軍國主義幽靈至會至今仍然係日本嘅問題。台灣嘅華人社會,可以透過對蔣介石嘅批判,嚟達到撥亂反正嘅效果,香港因長期受英國統治,香港人可以靠自身對「國民教育」以及國際社會嘅奧援去抵擋,但依家中國所謂憤青現象,其實係由義和團至今嘅延伸,中國好可能要好似德國咁,經歷重大戰敗,兼且由文明國家佔領一段時期,再透過一系列審判,至有可能清洗當中嘅問題。但中國人嘅自省能力不及德國人,就算有一系列類似紐倫堡嘅審判,都未必有人深切反省,否則柏楊亦唔會用醬缸嚟形容當今中國文化喇。用電腦嘅術語講,當依家中國人嘅OS有重大問題,唔換kernel係搞唔掂,Mac都要將kernel同System 7換成FreeBSD至會重生,但問題係,依家華人社會邊個肯自己換作業系統核心至得架,華人有好似Steve Jobs咁偉大嘅人,都係一件幾難嘅事。

發表迴響

你的電子郵件位址並不會被公開。 必要欄位標記為 *