劉夢熊-

大家會期待 劉夢熊 出獄爆啲乜

梁振英嘅前幕僚 劉夢熊 ,喺2月27日就離開監獄重獲自由,據報,佢一出獄,即上商業電台由陶傑主持嘅節目《光明頂》做嘉賓。

相信,好多人會期待 劉夢熊 爆大鑊,呢個係肯定,亦只有 劉夢熊 知道最多嘅內情,但喺依家無咗梁振英嘅政治形勢下, 劉夢熊 可以爆乜大鑊,會對依家對抗中聯辦嘅局勢最為有用。呢度,我草擬咗啲問題,希望 劉夢熊 屆時可以回應大家,唔只係講番梁振英成功奪權嘅歷史咁簡單。我相信 劉夢熊 嘅答案,會有左右大局嘅作用。

劉夢熊 有助於大局下可以回應嘅問題

喺依家嘅大局下, 劉夢熊 可以指點乜迷津,包括

  1. 喺2012年豬狼之戰之中,唐英年嘅僭建黑材料,究竟係唔係林鄭月娥提供?林鄭月娥喺梁振英上台呢方面,具體扮演乜嘢關鍵角色?
  2. 中聯辦喺操縱特首選舉過程裡面,邊一啲官員有份參與,佢地具體扮演乜嘢角色?
  3. 依家有乜有錢佬或有頭有面嘅人,有黑材料俾中聯辦揸住?
  4. 中聯辦操控媒體嘅手法,具體係點,《香港商報》出逃嘅助理總編輯講嘅內情,有無更多料可以爆多啲?
  5. 《成報》嘅背景,以及反擊梁振英嘅手法,佢點樣分析呢。

當然,當年梁振英用咗乜賤招,特別小桃園飯局嘅內情,香港啲花生友固然想知,亦都會對林鄭月娥嘅戰略,有相當嘅參考作用。因為好多嘢,只要 劉夢熊 肯講出嚟,梁振英被迫回應嘅話,對戰情將會發揮起關鍵嘅作用。

但 劉夢熊 嘅人身安全,我自己都擔心,因為 劉夢熊 實在知得太多,依家《成報》都被人狂hack server,兼且高層同編務人員全部被騷擾同跟蹤,咁 劉夢熊 出獄果日,監獄內外嘅安全夠唔夠呢?仲有,如果 劉夢熊 上商台,商台附近嘅保安,又有無適當嘅加強,晚間廣播道並非一個好安全嘅地方,陶傑或者 劉夢熊 是但一個遇襲,都好可能引嚟好大問題,而以依家中聯辦嘅暴走程度,已經去到完全失控嘅地步,沒有最黐線,只有更黐線,咁嘅情況下,我個人有理由擔心, 劉夢熊 會否喺商台出席節目前遇襲,以求起滅口之效。

總之,希望 劉夢熊 能夠知無不言,言無不盡,為香港人民對抗梁振英反人民集團作出重大貢獻。

發表迴響

你的電子郵件位址並不會被公開。 必要欄位標記為 *