BNO-British Army

BNO 堅係當成英國人申請英國陸軍

好多人,包括我在內,都以為 BNO 係以英聯邦公民(Commonwealth Citizen)身份申請英國陸軍,如果 BNO 當成英聯邦公民,喺居留要求,以及可以選擇嘅兵種都係窄好多。只不過,有讀者見到昨天講 BNO 參軍嘅文,過嚟報料,經過我自己實證之後,證實,喺英國陸軍政策而言,香港英籍人士,即係 BNO 為主嘅英籍人士,係以英國人身份考慮同投考英國陸軍。

英軍有特別嘅選項俾 BNO

以上嘅有旁白片段,係我註冊咗英國陸軍網站求職戶口後嘅操作畫面,如果你打 Hong Kong,有 British Hong Kong同 Hong Kong/Chinese 兩個 item 可以揀, BNO 一般揀 British Hong Kong,跟住系統就話你合符資格申請成為英國後備軍人,或一般軍人,我就算揀係現居海外都無問題(當然之後有附加條件要揀),但如果揀 Hong Kong/Chinese,你係乜職位都唔適合。如果我揀 Singaporean (Commonwealth Citizen之一),就唔可以加入後備軍人,亦唔可以投考軍官,只可以投考一般軍人。

以上片段係我嘅操作截錄,無花無假,費時俾啲熱普城或土共廢人話我作嘢或打飛機。換言之,如果你係傾向做軍警一類工作,又唔想淪為香港警賊,而你又持有 BNO 國籍身份嘅話,你應該考慮投考英國陸軍。我未試操作英國海軍同空軍嘅網站,但稍後時間,我都會試嘅。你加入英軍,唔駛參與鎮壓人民嘅任務,兵種專業,又唔駛同啲白痴香港警察同流合污。

如果你三十一歲以下,BNO 持有人喺英國嘅簽證唔駛擔心,如果英國軍方錄取咗你,咁MOD一般會幫你同Home Office講數,Home Office一般聽軍方講,會改你嘅居留條款(甚至屆時IA 1971仲存唔存在都唔知),你三十一歲以下嘅話,可以保險啲申請YMS Tier-5簽證,咁樣你可以喺等候軍方消息期間,喺英國打工同住宿,好過你吓吓出幾次機票,如果你喺英國讀緊書,可以考慮考後備軍人,都係選擇嚟。

我相信,你加入英國陸軍,未來可以貢獻英國同香港。但要警告在先,如果出兵阿富汗同敘利亞,有可能無命,你要同你家人傾清楚。

7 thoughts on “BNO 堅係當成英國人申請英國陸軍

  1. 我都入過去睇,但 British Hong Kong 應該係 BDTC(HK),British Overseas 先係 BNO,雖然大部份 BNO 都會係 BDTC(HK),但總會有人唔係嘅…

    1. Martin Ng, 其實你意圖想講咩?我可以同你講 British Hong Kong 係97移交前既香港 , 而戈欄位係寫明 揀your nationality 完全唔關BDTC(HK) 既事!而British Overseas係包埋好多唔同地方例如舊植民地包括印度等都仍有人係British Overseas資格未完!

    2. 我比較傾向支持樓主講法。我以前要work permit係英國工作時,國籍個度係Hong Kong (British)

      1. RC , 近呢5年,機乎每年呢類名都會比英國官方網站更改一次,有時半年都唔同咗,我諗你唔洗再用已過去既名,睇返正正式式現時呢刻英國官方網站寫咩就咩,所以你支持樓主都冇用架!

發表迴響

你的電子郵件位址並不會被公開。 必要欄位標記為 *