御林軍

要港人參軍,依家港人 御林軍 都入埋,仲入解放軍嚟做乜

今天X建聯班土共又提案,俾香港人加入共產黨嘅私人部隊中國人民解放軍。其實香港人要參軍,駛鬼加入解放軍呢隊無軍紀嘅部隊,依家香港人都有人已經喺 御林軍 擔當樂手,連 御林軍 都入到,咁駛鬼入解放軍,做共產黨嘅私兵?

BNO都可以做 御林軍

好多人都以為,香港人依家係入唔到英軍,呢個概念係錯嘅。如果你係英國公民,梗係可以加入英軍,但就算係BNO,都可以加入英軍,甚至喺英軍嘅重要部隊服役,好似 王嘉豪 ,喺接受Watershed Hong Kong訪問果陣,已經講自己係BNO持有人,所以BNO加入英軍,本身係無問題。而且御林軍(Foot Guard),雖然大家嘅印象係果啲著住傳統高帽同紅色制服,執行儀仗任務嘅部隊,但實際上,呢枝部隊係有作戰能力,而且亦代表住英國嘅國家形象,呢個亦都反映咗,英國軍方一直好歡迎合資格嘅香港英籍人士加入,並願意給予他們重要位置。以我所知,依家喺英軍部隊服役嘅香港人唔少,不過費時觸犯官方保密法,咁都費時講得太仔細,有幾多BNO或香港嘅BC,依家喺英國海陸空三軍服役嘅情況。

如果有意從軍,梗係加入英軍好過解放軍,除咗英軍肯定待遇好過解放軍外,英軍嘅專業訓練,實戰機會,都遠多過解放軍。而且解放軍係一隊惡名昭彰嘅部隊,喺現時仍然存於世上嘅陸軍部隊中,解放軍少數係仍然由一個政黨私人擁有,而且參與過屠殺人民任務嘅部隊,俾你想唔想加入日本皇軍?德國陸軍保留鐵十字徽號都好,德國陸軍都喺二次大戰後換晒啲鐵十字勳章,以及改名,同德國國防軍劃清界線。我相信就算日本自衛隊要稱為軍隊,都唔會自稱皇軍,因為日本皇軍個名都已經臭晒,軍人始終係要講光榮同傳統,有埋啲咁嘅邪惡歷史,你叫人點同你搏命?而近年解放軍都無實戰打過仗,相反英軍過往喺波斯尼亞、阿富汗、伊拉克執過勤, 我相信可見嘅將來,英軍仍然會喺唔同嘅維和行動上扮演重要角色,至於解放軍,對上一次實戰任務,唔計啲小戰役,最為人所知咪1989年北京屠殺自己嘅平民同大學生囉。

後話:雖然英國陸軍網頁話,依家無位俾英聯邦公民(commonwealth citizen),但如果你係BNO,你都留低求職資料,佢地有用果陣會搵你嘅。至於英國皇家海軍,已經將British National劃出Commonwealth Citizen定義,海外British National,包括BNO,都可以去申請,英國居留年期限制部分,依家海軍好得意,十分彈性處理,可能有呢個需要。皇家空軍,無論BC/BNO都一樣,如果住喺英國唔夠時間,要自己搵佢地問問。

4 thoughts on “要港人參軍,依家港人 御林軍 都入埋,仲入解放軍嚟做乜

  1. 你好,其實BNO在陸軍網頁吾係當一般英聯邦公民

    只要你注冊個ID,國籍不管寫BRITISH HONG KONG定BRITISH OVERSEAS都有JOB可以報名,旅遊中都可以報,吾洗住五年,不過要保証人,反而你寫CANADA等英聯邦公民就少好多JOB位,可見BNO吾係當一般英聯邦公民

發表迴響

你的電子郵件位址並不會被公開。 必要欄位標記為 *