林作-2

林作 你膠夠未同黐夠未?

自我無喺《南華早報網站娛樂炸彈》寫娛樂評論後,其實我好少寫評論涉及娛樂人物,因為有啲厭惡性。只不過,有啲娛樂圈嘅膠人踩到埋嚟果陣,都係要評吓佢地,例如 林作 。

林作 做葡萄X搏見報

林作 喺《頭條日報》發功,暗批佢前女友麥明詩頻頻喺七警案發言,其實呢句我作為一個非法律系出身嘅人,都覺得, 林作 ,你個大狀牌點攞番嚟㗎

老實講,麥小姐只是淺白貼地的解釋了法治的意思,和表達她對一些不同意判決的人的情緒的不解。她並沒有解釋兩年的監禁是如何的適當。相信大部份不滿判決但理性的人的看法,是:或許七警被判決有罪是有法理基礎的,但兩年牢獄的判刑太重,不合情理。

麥明詩嘅評論,佢應該考慮到佢啲讀者全部唔係法律系出身,所以無背晒啲case出嚟,更加唔好講比較英國Sentencing Council ABH嘅一般量刑指引,我依家反而要質問 林作 ,你身為大律師,有乜理據認為兩年監禁過重,有無同類case可以參照?杜大衛法官喺 Reason for Sentence 引用 HKSAR v Hui Man Tai 嘅案例,作為判刑理據,HKSAR v Hui Man Tai 係上訴庭嘅案例嚟,如果杜大衛法官要作出輕過上訴庭嘅判刑,要有極為充分嘅理由,好似七警案呢啲當場斷正嘅案件,連我呢個唔係做過法律執業者嘅盲毛,都知道無可能再判得輕啲。 林作 嘅評論,證明咗 林作 作為一個做過大律師嘅人,無睇過判決附和土共亂吹一通,呢樣嘢係十分之核突。

麥小姐善用佢港姐冠軍同劍橋畢業生身份,對公眾作出好嘅法律教育,呢個係好事嚟,我理佢槓桿比率有幾高,至少大家會聽佢講乜,好過聽埋啲梁美芬、顧敏康呢啲狗屎垃圾喺度亂咁噏。依家 林作 只係葡萄人地有知名度,喺度發膠音,其實大家已經對 林作 呢條友感到非常之厭惡,係我依家寫關於呢條友嘅評論,都好覺得有厭惡性,唔知呢條友膠夠未同黐夠未,幾時可以收手,大家唔想睇同聽你發膠音。

我只能講, 林作 嘅葡萄度,有位女士好啱閣下,果位叫希師奶,如果你們兩個雙劍合壁,酸度應該高過鏹水。

發表迴響

你的電子郵件位址並不會被公開。 必要欄位標記為 *