中大報社-左膠

中大報社 左膠 可以有幾黑暗醜惡

今年 中大報社 撼莊,本來 中大報社 撼莊係唔關我事,只不過,依家 中大報社 撼莊發展到,有人為咗自己扶植嘅莊當選,違反行政中立原則,兼且作出選舉舞弊嘅行為,呢樣嘢實在太核突,一向反對老鬼干政嘅我,都要補充兩句。

中大報社 莊員濫用權力到一個點

以下係現任中大學生會幹事會會長周豎峰搵出嚟嘅證據,周豎峰手上證據有成二百版紙,呢樣已經好膠

中大報社-左膠
中大報社-左膠

但更膠一樣嘢係,選舉委員會委員,係要嚴守政治中立,要幫下屆莊當選,身為老鬼就咪做選舉委員會委員,專心喺唔使用公家資源前提下助選,有人用選舉委員會權力幫自己心儀嘅莊,呢種中共style嘅醜惡行為,真係令人髮指,咁樣你班左膠同民建聯班友有乜分別,但更令我感到離譜嘅濫用權力,係有選舉委員會成員,公然違反《選舉章則》嘅秘密投票精神,偷窺同學投票,未出嚟社會已經醜惡成咁。

根據現行《選舉章則》第23條第2款規定

投票須以不記名方式進行,惟本委員會可記錄選票的號碼,以防止重覆投票,但記錄不應構成個別選民之投票意向為他人所知悉。

呢條係同現行《選舉章則》嘅前身《一九九九年選舉附則》字眼大致相同,呢條係我手筆嚟,目的係強調秘密投票,當年寫呢條目的係防共,因為中共又好,馬共又好,最興迫人交代投票意向操縱投票,呢個根據新加坡投票是秘密的宣傳嘅經驗,特別寫嘅條文。現有《屬下團體章則》第十一條第一款:「不記名方式指某一特定選民之投票意向不為該名選民以外任何人士知悉的方式。」嘅定義,都係同樣嘅寫法,呢一條都係我主政院委期間嘅修章內容嚟。左膠竟然可以夠薑到挑戰呢個民主基本原則,呢班友為咗自己嘅權力,果種為求達到目的不擇手段,同共產黨有乜分別?

其實好多左膠老鬼唔明,要自己嘅影響力同理想留俾下一代,唔係靠騎劫個莊,或者長期住喺中大學生會嘅地方唔知做乜春,我自2000年畢業離開代表會,就未曾探訪過代表會,我喺代表會做嘅嘢,係透過文件、有時寫嘅回憶文章、立法等手段去保留。如果要靠騎劫師弟去達致你嘅理想,你不如加入中共算吧。一如英國嘅議會傳統,都係靠羊皮卷上寫嘅法律、會議紀錄等保留(英國國會通過嘅立法文本同議事錄,真係印喺羊皮紙上),唔係靠幾百年嘅殭屍。

發表迴響

你的電子郵件位址並不會被公開。 必要欄位標記為 *