辱警罪

辱警罪 :你幾萬人X完人老母就乜都唔駛立

成班土共想立 辱警罪 ,呢班土共一直對希師奶,前保安局局長葉劉淑儀好大期望。但估唔到連希師奶都驚咗呢班土共同差佬,話依家香港無以言入罪呢樣嘢, 辱警罪 係立唔到,仲要暗寸差佬,叫市民同警察雙方都唔好咁粗暴,同以往一味老屈市民粗暴論調好唔同。

當然,希師奶眼見曾俊華入到閘,胡國興都可能入到閘(只要長毛唔硬膠,胡國興入到),但佢入閘希望越嚟越渺茫,可能同梁國雄一齊出局,咁梗係要講番兩句人話。只不過,喺2月22日集體爆粗嘅一幕,你土共想攞到市民支持立 辱警罪 都幾難囉。

X完人老母點立 辱警罪

法蘭西係有類似 辱警罪 嘅嘢,叫做Outrage à agent public,只不過,大家都知道法國警察幾無地位,同IQ博士天神村果啲差人差唔多,我昨晚至講法國佬燒警車,仲寸貢頁話「免費燒雞」,今日又嚟高中生喺巴黎市中心對差佬用汽油彈,就算法國有 辱警罪 又點,試吓今日叫晒香港啲差佬,特別果七警去巴黎市中心執勤,我恐怕全部唔係變晒燒雞,而係燒龜。 辱警罪 有用? 辱警罪 個屁?

況且成幾萬人咁英喺球場X人老母,如果要立辱警罪,咁駛唔駛立條辱民罪,任何差佬對市民講粗口,全部拉晒入監?一旦咁立 辱警罪 ,市民一定群情洶湧,希師奶作為一個務實嘅政客,佢好清楚萬人齊X老母嘅結果,就係市民憤怒反感,所以成班黑警心目中嘅英雄,最後都要寸班黑警唔好咁粗暴,希師奶講任何嘢都係計過度過,特別佢依家要爭取泛民嘅提名飛,所以佢已經走出嚟否定 辱警罪 ,要班友唔好再發夢。

都係果句,成萬人講完果句好Hi嘅X你老母之後,香港警察所有民意已經輸晒,唔單只無可能訂 辱警罪 ,而且好多香港人會更加唔信任警隊,甚至更加要數乜嘢休班警、當更警、輔警犯罪比賽,甚至以後警察要更多權力同裝備都唔可能。都係果句,當好仔唔當差再一次成為社會共識果陣,大家可以估到日後乜嘢人會加入警隊,警員薪水幾高都無用,因為大家都只係當你係黑社會爛仔,就算政府要請更多警員,都會係乜嘢人入去呢,其實大家都心裡有數。

發表迴響

你的電子郵件位址並不會被公開。 必要欄位標記為 *