李波案-min

李波案 嘅結果:連斯里蘭卡警方都當你保安局流嘅

香港政府以為, 李波案 任得啲強力集團嚟香港執法,對自己無影響,甚至日後有機會升官發財。似乎香港政府班膠官嘅推測錯到離晒譜,代表曾經收容斯諾登嘅斯里蘭卡難民嘅律師指,斯里蘭卡曾經用嚟香港周圍搵啲難民,手法幾乎係 李波案 喺香港翻版。

唔在乎 李波案 ,全世界以為香港係無掩雞籠

其實香港政府以hea嘅態度嚟看待 李波案 ,除咗代表呢班友幾怕契丹外,其實亦對啲第三世界惡棍國家發放錯誤信息,就係只要呢啲國家同契丹老友鬼鬼,係可以隨便嚟香港跨境執法,特別香港好多人都唔care啲少數族裔,甚至好似梁美芬、李梓敬呢啲人渣,成日老屈乜嘢假難民問題,呢啲人之所以主打假難民問題,除咗係因為華人果種不知所謂嘅種族歧視外,仲有係,唔少被指係假難民嘅難民,迫害佢地嘅國家,都係一啲同契丹極其老友嘅國家,統監府同契丹政府,都係想捉走呢啲難民,用嚟交換一啲政經利益,特別係用嚟搞「一帶一路」,所以呢啲國家就以為可以嚟香港任意捉人,好似 李波案 咁囉。

唔好以為呢啲事唔關香港人事,大家都知呢啲惡棍國家喺世界各地點做嘢,呢啲友仔喺香港亂玩綁架,不單影響香港形象﹐而且隨時成為鬧市保安隱患,你諗吓重慶大廈嚟單類似謀殺金正恩嘅案件,香港嘅聲譽都唔駛要。仲有,香港成日話要搞一帶一路嘅生意,如果有日啲港商喺非洲或南亞同啲政府有商業糾紛,呢班友用 李波案 嘅手法,將你綁架番非洲或南亞國家,你諗吓有幾恐怖,隨時仲衰過喺契丹做生意。呢啲一帶一路國家乜膠都有,今日斯里蘭卡軍方都好似食咗豹子膽咁,要捉收容過斯諾登嘅難民,玩得幾次,你投資斯里蘭卡出咗事,你以為返香港好安全,點知突然喺屋企門口人間蒸發,甚至全家帶走,呢啲事你覺得會出奇,係一啲都唔出奇,因為呢啲國家嘅政府,根本唔放香港在眼內,甚至同契丹政府傾好咗,北京隻眼開隻眼閉,當你呢啲小民係禮物送俾啲惡棍國家好。

所以香港政府有責任,搵出果幾件斯里蘭卡差佬,並且驅逐出境, 李波案 係唔可以hea做,果啲強力部門嘅人,係應該緝拿歸案。不過依家香港警察都係爛仔,真係隨時最好學下中國功夫強身好。

發表迴響

你的電子郵件位址並不會被公開。 必要欄位標記為 *