猶太大屠殺

黑警攞 猶太人大屠殺 幫自己貼金踢中鐵板

班黑警喺2月22日千人粗口大集會裡面,用 猶太人大屠殺 用嚟比喻自己嘅狀況,有人話俾以色列領事館聽,以色列領事館發表聲明,指責班黑警用 猶太人大屠殺 嚟幫自己面上貼金,黑警估唔到得罪香港人嘅同時,連猶太人都得罪埋。

中共慣咗歪曲歷史,點會尊重 猶太人大屠殺 歷史

黑警不擇手段到用 猶太人大屠殺 歷史嚟抹黑對方,其實唔令人感到奇怪。我們一般讀歷史,可以純為興趣,亦可以係為咗由歷史當中得到一啲經驗同教訓,日後做人做事唔會犯同樣錯誤。但對中共嚟講,歷史係攞嚟歪曲,用嚟洗腦,所以喺中共嚟講,佢地無尊重史實呢個概念,史實可以根據黨嘅需要,作出唔同嘅歪曲同解讀,所以無端端八年抗戰,要講成十三年抗戰。中共喺香港保衛戰上無作為,就唔想香港認識英國人守衛香港嘅壯烈歷史,可以老屈搞歷史教育嘅人搞港獨。一九八九年明明喺北京屠殺過手無寸鐵嘅平民,但依家喺中國本土有人提呢段歷史,都會被公安捉咗去唔知邊度,亦唔可能喺微信、微博討論呢段歷史。一個慣咗咁處理歷史嘅民族,以為 猶太人大屠殺 嘅歷史都可以咁處理,但猶太人對 猶太人大屠殺 歷史嘅重視程度,遠遠大過中國人對南京大屠殺歷史嘅重視程度,我覺得警察無咁醒會搵到呢段歷史嚟比,隨時係統監府啲人嘅手筆,但大家都知張曉明呢啲膚淺人士,點會知道猶太人係咁重視歷史,所以咪踢中鐵板,粗魯啲果句,真係柒出國際。

點解我唔贊成香港初中必修中史,唔係因為中史唔駛讀,日本人都熟中國三國時代歷史,而係遠東漢字地區,乜政權都有鋪亂改史實為現實政治服務嘅癮,由以往政府編修上一朝嘅歷史到依家,中國、日本、韓國、國民黨執政時代嘅台灣,個個都係當歷史係洗腦工具,所以果啲史實根本係有毒唔讀得,咁讀中史甚至官方污染嘅抗戰史做乜。以色列人係一路研究 猶太人大屠殺 嘅歷史,一方面要捉果啲在逃納粹犯人(八九十歲照捉,捉到天腳底),個治史要求去到刑事檢控級數,嚴謹好多,另一方面,亦要塞住果啲千方百計否認大屠殺人渣把口。相比起依家中國係點看待二次大戰嘅歷史,果啲抗日神劇何等胡鬧,我可以咁講,日後共產黨控制嘅人,會繼續犯呢啲錯落去。

發表迴響

你的電子郵件位址並不會被公開。 必要欄位標記為 *