跨境-老闆車

跨境 老闆車 玩殘中環遲早問題

老闆車 亂咁泊遺禍香港,呢個已經係阿媽係女人嘅常識嚟,只不過,如果你以為香港啲 老闆車 未夠多,咁你就錯,港珠澳大橋一通車,啲契丹經珠海嚟嘅 老闆車 ,亂咁泊喺中環,屆時中環交通仲亂,有電子道路收費都唔會解決問題。

跨境 老闆車 自恃無人抄

就算未有港珠澳大橋,中環已經好多跨境 老闆車 ,呢啲跨境 老闆車 比起香港 老闆車 乞人憎嘅地方在於,呢啲車唔熟香港右軚環境,兼且個牌唔知問邊個茂利買返嚟,唔識揸車嘅情況下,亂揸一通唔在講,最大問題係,呢啲跨境 老闆車 根本唔怕牛肉乾,一係官府嘅車,香港政府實唔敢收番牛肉乾錢,一係果啲友仔根本係大把無地方駛嘅黑錢,俾豪俾你三百二咁又點,所以呢啲車喺中環簡直係大爺嚟,黃腳鱲無佢符,其他啲司機怕咗佢地。

雖然政府話有限制港中之間國際車牌數目,但講真,依家越出越鬆係事實,而港珠澳大橋一通車,只會俾藉口政府發更多呢啲跨境車牌,成班友話珠海、中山一帶嘅城市要個牌都死,都未計澳門都好大機會要番若干配額,果啲配額除咗去賭場,又會去咗邊,大家都心中有數,屆時又澳門、又契丹啲 老闆車 齊集中環、灣仔、銅鑼灣,啲交通仲唔亂過亂世佳人?咪玩喇。

所以跨境 老闆車 玩殘中環遲早問題,以依家一眾跨境 老闆車 無視牛肉乾嘅態度,有電子道路收費佢地照樣會無視,都係頭先果句,如果係官府車,班友根本唔駛找數,如果係黑錢車,佢地大把錢,三百二都唔驚,更何況電子道路收費?結果就係成個港島係香港同鄰國嘅 老闆車 天下,香港駕駛人士身家少啲都揸唔起入中環。你啲香港人,慢慢迫地鐵迫飽佢,如果你等得起要六七班車之後至上到架迫過運豬車嘅車嘅話。

呢啲咁嘅環境,香港人點會無怨氣呢?喺香港,坐的士、坐巴士、坐地鐵、自己揸車,都會遇上一堆尸

發表迴響

你的電子郵件位址並不會被公開。 必要欄位標記為 *