黑警-bloody sunday

黑警 濫用武力一定輸清民心:Bloody Sunday嘅教訓

黑警 同統監府啲白痴,用一個好愚蠢嘅邏輯為自己喺七警案犯嘅錯上辯護,就係我都係被激嬲之嘛,所以要報復。所以大家睇到,成萬 黑警 集體X人老母嘅奇景,呢一幕真係製造歷史。

無錯, 黑警 製造緊歷史,港獨派應該多謝佢地,因為香港民心完全投向獨派,甚至獨派搞民間武裝都得到支持,完全係呢班蠢到加零一嘅 黑警 ,愛爾蘭獨立戰爭嘅轉捩點血腥星期日,英國喺愛爾蘭南部犯嘅錯誤,咪同依家呢班 黑警 一模一樣。

英國 黑警 犯咗乜嘢彌天大錯

話說1920年11月21日,當時嘅愛爾蘭共和軍嘅Michael Collins,喺愛爾蘭警隊嘅內應支持下,知道當時英國政府班「開羅幫」(Cairo Gang)住喺邊,搵暗殺隊逐個送呢班友上西天。如果當時英國政府夠聰明,咁咪用同樣招數回敬Michael Collins,搵暗殺隊逐隻捉番愛爾蘭共和軍班友,但英國政府居然蠢到喺當天下午Croke Park舉行一場球賽,對住手無寸鐵平民大開殺戒報復,結果愛爾蘭好多人醒晒,由支持英國改為支持愛爾蘭共和軍,英國嘅情報網絡喺開羅幫被人逐隻剝之後,已經受好大損害,而依家咁殺法,你想愛爾蘭平民俾情報英國,難矣,後來越嚟越多人唔交稅俾英國政府,英國政府喺愛爾蘭嘅管治維持唔到落去,最後咪搵Michael Collins和談,達成協議成立愛爾蘭自由邦(Irish Free State),英帝國第一個自治領,亦即今日嘅愛爾蘭共和國嘅前身。

黑警 喺太子警察球場集體X人老母一幕,簡直同11月21日下午果場球場大屠殺有異曲同工之妙,雖然香港無死過人,但警察集體X人老母,令民眾對警察完全失去信任,警察不單只唔會令市民尊重,相反,日後再有示威場面,市民唔會反對果啲激烈針對警察嘅做法,未去到法國燒警車嘅水平,但公眾亦唔會再俾任何同情俾警察,因為警察果種野蠻同漠視法治,喺市民眼中,呢班友都係爛仔,爛鬥爛就沒有誰比誰高尚,更何況市民無武器,但差佬有武器,犯大錯機會大好多,所以呢次 黑警 已經輸清光,爭在個後遺症要幾大力量去收拾。

發表迴響

你的電子郵件位址並不會被公開。 必要欄位標記為 *