obama

改革警隊: 送晒啲差佬去巴黎 (原題,法國式硬膠,搵 Obama 做法國總統)

喺之前我寫嘅膠觀點裡面,提過如何令 Obama 成為英國首相,當然係理論上可行,但實行難度超高,典型英國國會嘅辯論思考方式,所以有人提,無人做。只不過,法國喪好多,法國唔單只有人提 Obama 做法國總統,仲要係真係有人喺巴黎印海報,叫 Obama 做總統,建立第六共和,如果戴高樂將軍泉下有知,唔知係笑到肚穿,定激到由棺材跳番出嚟。

只不過,法國佬將硬膠認真做嘅態度,正係香港人,好多仲係未明膠嘅奧義嘅人難以明白。

搵 Obama 做總統,因為法國啲政客都太膠

其實法國人搞政治,由法國大革命至今,都係膠到核爆,法國人,由路易十四朕即國家,跟住搞到絕對皇權搞到路易十六就爆發革命,期間啲內鬥,互片,膠到1941年德國人打到滅國都仲係喺度派膠,一如今日嘅香港人,得戴高樂上校一條友一士諤諤,去倫敦搞流亡政府,竟然憑法國剩餘殖民地打到復國,復完國啲法國人又膠過,一路到戴高樂建立相對穩定嘅第五共和體制。但由於法國人體質愛膠,所以啲政客十分之硬膠,近年啲總統個個都有一股膠力,左右都好有問題,所以最有法國人忍夠,就諗不如由 Obama 出嚟收拾算,呢種用行動嚟派膠,其實係一種抗議手段,取代法國大革命後頭一百年,係唔係都喺斷頭台切咗對家個頭再講。

一個 Obama 做總統都可以攞去認真實施,膠觀點認真有人實行嘅國家,仲有乜膠手段用唔出,所以喺國會門口放牛屎,成棚拖拉機進軍首都,你諗得出嘅都有。

法國係另一個警察要出嚟示威,同示威者對著幹嘅國家,只不過,法蘭西啲示威者係太強大,以下係去年法國示威者對付警察嘅手法

法國警車
法國警車

法國人燒警車果陣,仲要好寸咁樣寫「燒雞,免費供應」(法國人用雞作為差佬嘅貶稱,香港語文同等嘅用法係龜,香港人應該會寫龜苓膏,免費供應)。法國警察面對啲黐線嘅示威者,都未話要公開X人老母,話搞乜嘢辱警罪。如果香港警察真係咁懦夫,不如咁,送晒呢班差佬去法國當更一年半載,特別去巴黎,我睇呢班香港警察,有幾多個最後有命返嚟香港。

發表迴響

你的電子郵件位址並不會被公開。 必要欄位標記為 *