改革警隊-min

改革警隊 :以北愛彭定康報告為鏡

2月22日黑警大集會後, 改革警隊 應該係必須談論嘅課題,因為依家香港警隊,不單保留唔少皇家香港警察嘅陋習,仲要被洗腦變成一班爛仔,非常得人驚。以北愛RUC以往經驗嚟睇,實出大事。北愛警隊以往就係新教徒親英派為主,一直得唔到天主教親愛派信任,成為北愛和平進程一大障礙,直至我們香港人最擁戴嘅總督彭定康,領導委員會提出彭定康報告 改革警隊 ,由RUC改成PSNI(北愛爾蘭警察服務),北愛至邁向和平。

改革警隊 :由誓詞開始

依家《警隊條例》附表一嘅警隊誓詞係咁:

本人 ………………………………………………………………………………………………………….
謹向全能之主發誓謹以至誠作出宣言

本人會竭誠依法為香港特別行政區政府效力為
警務人員,遵從支持及維護香港特別行政區的法律,以不畏懼、不徇私、不對他人懷惡意、不敵視他人及忠誠努力的態度行使職權,執行職務,並且毫不懷疑地服從上級長官的一切合法命令

呢個誓詞同RUC一樣出事,就係無咗關於人權嘅部分,所以彭定康報告對RUC嘅誓詞作出修改

“I hereby do solemnly and sincerely and truly declare and affirm that I will faithfully discharge the duties of the office of constable, and that in so doing I will act with fairness, integrity, diligence and impartiality, uphold fundamental human rights and accord equal respect to all individuals and to their traditions and beliefs.”

如果我嚟轉譯,我係咁轉寫成適合香港嘅誓詞

本人謹以至誠作出宣言,本會竭力依法為香港警務人員,以不畏懼、不徇私、不對他人懷惡意、不敵視他人、堅守基本人權,並且尊重每一個人以及其背後嘅傳統及信念下行使職權,執行職務。

彭定康報告中,好重視人權,除咗誓詞刪除毫不猶疑遵守上級一切合法命令嘅字眼,加入堅守基本人權,以及尊重每個人嘅信念同傳統,如果香港由梁振英搞出嚟嘅撕裂,喺短期內無法解決,彭定康報告嘅誓詞,好可能係啱香港用。仲有喺警察每一個訓練環節,都加入對人權尊重嘅部分,我都覺得係重要。

我真係估唔到,我睇Patten Report,最終都係要為咗香港,可悲。但彭定康令警隊重生嘅經驗,正係香港未來需要。

發表迴響

你的電子郵件位址並不會被公開。 必要欄位標記為 *