黑警

乜嘢叫 黑警 ,集體成千人講X你老母

黑警 晒馬式集會,固然令人大開眼界,只不過, 黑警 都應該有佢嘅公民權利,《警察通例》第6章第34條同《基本法》第39條,以及《香港人權法案條例》未必兼容, 黑警 肯定形象盡喪,但都叫係佢地嘅權利。

我平日唔share《立場新聞》,但《立場新聞》拍到以下震撼一幕,我真係無嘢講,我係唯一例外咁,係embed《立場新聞》片段(下不為例,《立場新聞》登澳門人在英國果條共匪嘅文,我實計數)。

黑警 千人公開講X你老母

呢一幕,我再睇《警聲》2005年嘅沙田警區無粗口大賽賽果,我真係堅啞晒。

得獎者及作品
作品
得獎者
冠軍:廿一世紀新警察,不再粗口爛撻撻,斯文勇敢守紀律,共創市民新睇法。 警員黃永泰(沙田分區報案室第四隊)
亞軍:你有型,我有型,唔講粗口最有型。 警長陳子軒、 警員林益文、劉家文、彭永康、陳嘉明、黃子輝及女警邱佩欣(沙田分區特遣小隊)
季軍作品(一):粗口文化已過時,待人有禮最適宜,避免投訴靠你我,禮貌警隊手創。 警長李普健、高級警員梁維安及曹健齊、警員翁爵林、蔡永健及徐建勳、女警黃璇及劉桂香(沙田警區特別職務隊)
季軍作品(二):粗言一出,形象報銷,建立十年,摧毀一朝。 警員梁志勇(沙田分區特遣小隊)
優異作品(一):粗言穢語乞人僧,禮貌待人滿分。 警員黃思傑、黃軒逸及李嘉能(田心分區軍裝巡邏小隊第三隊)
優異作品(二):閒談說話重儀表,無需粗言來強調,談吐得體你我要,警察形象好重要。 警員梁慧鵬(馬鞍山分區軍裝巡邏小隊第二隊)

以上口號,唔係我作嘅,係《警聲》嘅內容嚟,警員梁志勇喺2005年講得好啱,粗言一出,形象報銷,建立十年,摧毀一朝。依家唔係十年,係四十年嘅形象,同紀律都無晒。

當初林慧思睇唔過眼警察執法亂嚟,講咗句WTF,你班友批鬥林慧思幾耐,依家我可以講,你班 黑警 集體off duty講粗口,乜唔係仲大鑊咩?如果有市民集體去警察投訴科同監警會投訴,我真係想知道,監警會可以用乜嘢唔合邏輯嘅理由,為呢啲奇談怪行作出解釋。

集體成千人X人老母,以為無記者採訪到,唔係囉,香港警察確認係有牌爛仔,就係呢廿幾秒片段,你班警察自己口號都識作,咁道理都唔曉,我只能講,依家呢班 黑警 真係垃圾嚟。

發表迴響

你的電子郵件位址並不會被公開。 必要欄位標記為 *