黑警 晒馬

黑警晒馬 : 四十年改革成果輸清光

今天,大批警察以員佐級協會名義集會,用 黑警晒馬 嚟形容都差唔多,因為成班警察,繞過《警察通例》嘅限制搞政治集會,為竟然係支持犯法打疑犯嘅七警,除咗黑社會晒馬,仲有乜嘢人會咁唔講道理,所以傳媒用 黑警晒馬 嚟形容成件事恰如其份,成件事仲核突過上世紀七十年代嘅警廉衝突。

黑警晒馬 一啲理由都無

黑警晒馬 反對法庭判決,同埋要爭取立乜嘢辱警罪,本身已經係黐線,依家《警隊條例》嘅襲警罪本身,已經係近乎辱警罪嘅侵犯人權法律,因為入罪好容易,但礙於要震懾黑幫嘅需要至保留呢啲法律,無諗過政府濫用嚟對付平民百姓,甚至依家出現黑社會成員亮相撐警嘅荒謬場面。而咁樣打犯,無用酷刑罪告你班友,已經係好鬼優待,呢班友仲鬼晒咁嘈,除咗黑警,仲有乜解釋。

而《警察通例》第6章,第34條,講得好清楚:

警務人員應經常避免參與任何足以影響其公正執行職務的活動或任何可能使市民誤會會影響其公正執行職務的活動,尤其不能參與本章開首所界定的政治活動,但以下情況則屬例外: (a) 以登記選民身分投票;或 (b) 正在放取離職前休假,並已獲公務員事務局局長批准參與有關全國人民代表大會(全國人大)香港特區代表及/或全國人大選舉會議的競選或助選活動;或 (c) 已按照《公務員事務局通告第 9/2010 號》的規定,獲得公務員事務局 局長批准參與村代表選舉。

依家唔係投票,唔係走去參與中國人大選舉,亦唔係參與村代表選舉,你依家你班友咁玩 黑警晒馬 ,其實已經構成任何可能使市民誤會會影響其公正執行職務的活動,點解英國人咁寫《警察通例》,正正係因為曾經發生警廉衝突,果次警廉衝突令香港警察形象輸得好乾淨,英國人用九牛二虎之力,至重建警隊相對正面嘅形象。依家七警案咁搞法,由於經濟唔好,仲有年青人因生計問題投考警察,但如果日後經濟結構有乜轉變,變番好仔唔當差嘅講法相差不遠,特別好多市民已經領教過警員寫口供啲錯別字,係大學畢業警員都可以一堆白字,我已經係以好市民身份同警察落口供,搞到我要指正。你依家仲要好似黑社會咁晒馬,呢隊警隊,真係日後獨立後都有排執,頭痛到爆。

2 thoughts on “黑警晒馬 : 四十年改革成果輸清光

  1. 他們既不相信及遵從法治,怎称职維护广大市民在法律下的杈利及义務,致此不单是黑警,簡直是禍國殃民的廢柴,不知羞恥。

發表迴響

你的電子郵件位址並不會被公開。 必要欄位標記為 *