梁振英-律師信魔人

律師信魔人一定係 梁振英

雖然我被封為律師信魔人,但我一直都覺得我當之有愧,因為我啲律師信同 梁振英 比根本係天同地嘅距離。 梁振英 身為香港天字第一號律師信魔人有幾巴閉,就由我呢個律師信魔人,雖然係削到爆果隻,同大家介紹一下。

梁振英 用政府新聞處凶人出律師信都得

  1. 我話要出律師信,最多先喺高登或網政廿一server講兩句, 梁振英 身為天字第一號律師信魔人,有霸氣一百倍,今日又用政府新聞公報嚟對住《蘋果日報》講話出要律師信,未去到 梁振英 呢個level都咪認自己係律師信魔人,呢啲嘢, 梁振英 認得第二,無人敢認第一。
  2. 我就話係因為被五毛抹黑,激到上頭話要出律師信, 梁振英 完全唔係呢個低層次, 梁振英 話出律師信,係有一棚五毛、土共附和佢,大聲讚好,仲未計《港人講地》發啲垃圾廣告,除咗有傳媒報導,仲有,如果廉政公署要查根究底,要查邊個至係大話精, 梁振英 連李寶蘭都炒埋,等廉署唔敢查佢,連執法機關都控制嘅霸氣,你認為我呢啲二打六所謂律師信魔人夠 梁振英 嚟
  3. 講真,告人誹謗係勞民傷財,更何況如果果啲友仔本身係一啲道理都無,偷狗摸狗之輩係一世都撈唔起,好似麥德正呢啲契丹工黨嘅大左膠就係(跟何秀蘭搵食係乜人,大家心照)。但 梁振英 呢啲友仔唔係,如果告唔到誹謗,好似《成報》果啲永不受凶,就報館門口出現大量唔知邊度嚟嘅神秘人。而喺佔領運動期間,唔知邊條友搵班大媽五毛阻住《蘋果日報》發行,連法庭出咗禁制令俾《蘋果日報》,呢班友都可以無視?

我好明嘅, 梁振英 永遠都想第一,乜嘢都要第一,呢個無問題嘅,所以我呼籲大家,應該要將律師信魔人嘅封號,永久咁封俾尊貴嘅香港行政長官 梁振英 先生,用政府新聞公報大大聲話要出律師信,廉署要查佢,高層都要劈炮,操縱五毛對付果啲唔妥佢嘅人,呢啲魔人絕技,前無古人,後亦無來者,或者林鄭月娥仲有少少機會喺呢方面超越 梁振英 。乜嘢人真係立心打壓言論自由, 梁振英 呢啲粉腸就係,雖然大家都好期待,如果有一個正常啲行政長官選出,廉政公署會正式就UGL案作出調查,並且請 梁振英 去北角享用馳名全球嘅廉記咖啡。

發表迴響

你的電子郵件位址並不會被公開。 必要欄位標記為 *