董建華

向廉署告發 董建華 算吧

今日《信報》報導,前特首 董建華 喺團結香港基金會議上,如果曾俊華當選,中央政府唔會任命。係繼林鄭月娥喺傳媒放風,指有人當選中央唔會任命後,又有人挑戰選舉法律,公然挑戰《選舉(舞弊及非法行為)條例》關於失實聲明嘅條文。

董建華 代表江系全面暴走

本來恐嚇《成報》已經代表咗江系為咗捍衛香港控制權,已經去到無惡不作嘅地步,但我估唔到,竟然有人無視香港法律,亦無視 董建華 腳頭之差,係都要作嘢,喺一啲實質證據都無嘅情況下,話如果曾俊華當選中央唔會任命,好明顯以統監府嘅情報消息,如果泛民送到曾俊華入閘,連埋商界嘅抵抗票,係有機會令曾俊華成為特首。因為一投暗票,泛民好多被原教旨主義分子騎劫唔敢提名曾俊華嘅人,可以投俾曾俊華,而商界,亦可以跟隨李嘉誠嘅抵抗行動。

根據《信報》報導,以下呢點係重要嘅

本報收到消息稱,全國政協副主席、前特首董建華在團結香港基金會議上,明確談到若曾俊華當選,中央不會任命,故他才會邀請林鄭參選。中聯辦主任張曉明昨日在閉門會議強調中央有實質任命權,表明林鄭得到中央信任,又指有參選人發表政綱後更改,前言不對後語,立場不夠堅定,沒有做領袖的擔當。

依家呢場會議,我認為可以向廉政公署告發 董建華 同張曉明兩件人渣選舉舞弊,至少有兩點,依家係必須搞清楚:

  1. 團結香港基金搞嘅活動,幾時幾日喺邊度舉行,舉行期間涉及幾多開支,呢啲開支係唔係林鄭月娥授權作出,以及成個活動有無涉及非酒精飲料以外任何嘅飲食。
  2. 董建華 同張曉明講過嘅exact wording,最好有錄音甚至錄影,因為呢兩條友嘅所作所為,如果無證據亂咁噏,一定係違法,而中聯辦喺香港並無任何外交豁免權,中聯辦犯任何法律,包括選舉舞弊,都係受香港法院管轄同制裁

以往,中聯辦做呢啲狗嘢都係會小心翼翼,至少講明唔可以爆出去,但依家咁搞,一係信心爆棚,以為香港無法律,但我相信佢地唔係信心爆棚,而係見到依家形勢陣腳大亂,所以用呢啲手法呃商界,香港市民集體舉報 董建華 同中聯辦,我想睇大批廉署人員搜查中聯辦同嘉慧園係點嘅一回事,曾蔭權都要坐監, 董建華 依家嘅言行,更加應該喺監獄度過餘生。而對張曉明嚟講,坐赤柱應該好過坐秦城嘅。

發表迴響

你的電子郵件位址並不會被公開。 必要欄位標記為 *